Danyeli 1:17 - KITABU KITAKATIFU

¹⁷ Nyasaye yahaana ku vayaayi vane yava ovogeri kandi limanyiriza lie ling'oda zing'ano ziosi; kandi komeeda kogene yaga, yahaana ku Danieli ovogeri vwu kumanyiriza kandi kwivaala malola kandi amalooto zing'ano ziosi.

Danyeli 1:17 Iomraidhean Croise

1 Avami 3:12

ndakora kuli uteevi: Ndakuha vogeri vunyingi kandi limanyiriza kuvita vwu mundu wundi woosi yaali navwo ku maziambiri, anoho aliva navwo.

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

2 Kyetsinyinga 1:10

Kunangwa, mbe ovogeri ni limanya lia nyenya mbe nalio nduuki kwamihaa kuvo. Nigatali ndio, inzi ndakanyali ndi ukwaamiiha avandu vanene vovo yava?”

2 Kyetsinyinga 1:12

Kulwayaga, ndakuha ovogeri ni limanya, kandi ndakuha uvuhinda, uvutugi nu luyali; avula ho nu mwami uwaali imbiri woovo yaali navwo kandi siaveeye ho na mulala inyima woovo uliva navwo.”

2 Kyetsinyinga 26:5

Yiviika umwene kwenyeleriza Nyasaye ligali, mu madiku ga Zakaria yaali mwoyo, uwaali mugerihizi weve wi dini mu liitia Nyasaye; na kolohoono lwa yenya Yahova, Nyasaye yamugasiza.

Ayubu 32:8

Navuzwa ni roho ogoveeye mu mundu, umwika gwa Nyasaye Uwanyala Viosi gohezaa avandu vogeri.

Tsing'ano 2:6

Yahova niye uhaanaa vogeri, kutura kuye ahaanaa limanya kandi limanyiriza.

Kohelethu 2:26

Nyasaye ahaanaa ovogeri, limanya kandi uvusangari ku yavo avamuyaanzizaa, navuzwa akolaa avoni kuyinzira vudinyu nokonyoora kandi kuviika mu kedeera, kunangwa vindu via vanyooye viduuki kuhaanwa ku yavo avayaanzizaa Nyasaye. Yaga goosi gaveeye vuzwa. Gaveeye vuzwa kuli kudidikana nokolonda imbuza.

Isaya 28:26

Amanyi vulahi kuli anyala kokora miyinzi jije, kigira Nyasaye yamala kumwigiza.

Ezekieli 28:3

Uganagana oveeye umugeri kuvita Danieli, si liveeye ho likuva linyala kuviswa kutura ku ivi mba.

Danyeli 1:18

Lwi ing'inga yi mihiga 3 ju mwami yaviikaho jafwa, Ashipenazi yavugula vayaayi vosi navahira ku mwami Nebukadineza.

Danyeli 1:20

Ku makuva goosi gu mwami yateeva, anoho vudinyu vwosi vwu mwami yaleeta, avayaayi vane yava vamanya haali 10 kuvita muvuuli anoho mukumu wundi woosi munyumba yeeye yu vwami vwosi.

Danyeli 1:4

avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 2:19

Maku vudiku yivwo agimbisu gokogenyia gavuulikira Danieli mu malola, na Danieli yizominya Nyasaye wu mwigulu.

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 2:23

Ngwizominya nu kuhaana luyali kuivi Nyasaye wa vaguuga vange; umali kumba vogeri kandi zinguru; umali kuhaana mativuli gilisaala liange, kandi umali kukumanyia aga kovoolera mwami.”

Danyeli 2:30

Henze agokogenyia yaga sigakuvulika kuinze kigira inzi mbeeye mugeri kuvita vandi vosi mba, navuzwa O, mwami wiitu gakuduukiraa umanye kivuni cha maloto googo kandi uduuki kumanya zing'anagani zimali kuduuka kuivi.

Danyeli 4:6

Ndaalanga vahaani vi zing'anagani vosi vu vwamihi mu Babiloni valetwe imbiri wange kunangwa vaduuki kombolera cha maloto yaga gavoora.

Danyeli 5:14

Mali kuhulira ndi roho gwa vanyasaye mutakatifu goveeye mu ivi kandi vulavu, lihulira harara no vogeri vulahi voveeye mu Ivi.

Danyeli 7:1

Mu muhiga gwu kutanga lwa Belishaza yaali mwami wa Babiloni, ndaali na maloto kandi malola vudiku ning'onaa mu kidali change. Maku ndang'oda hasi maloto yaga kuli ndi:

Danyeli 8:1

Mu muhiga gwa kavaga lwa Belishaza yaali mwami, ndaalora malola ga kaviri.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Vikolwa 6:10

Navuzwa sivali vanyara kumuguuta mba, kigira ovogeri vwivwe kandi kigira Roho Mutakatifu wamwimilira mu livoora lilie.

Vikolwa 7:10

namuhonyia kutura mu vudinyu vwivwe. Lwa Josefu yaloleka imbiri wu mwami wa Egebeti, Nyasaye yamuha liiva liu kuyaanziza kandi ovogeri. Kunangwa Mwami wa Egebeti yamukola ave mwamihi mu kivala yicho kandi munyumba yeeye yu vwami yoosi.

Vikolwa 7:22

Musa yigizwa amakuva goosi govogeri vwa vandu va Egebeti, kandi yaali wi zinguru mu litivula lilie kandi mu vikolwa vivie.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.