Ayubu 9:8 - KITABU KITAKATIFU

⁸ Oyo yeng'ine niyie uwaala ligulu, kandi niyie uwaseena seena gunyama gonene gwu munyanza nukugwita.

Ayubu 9:8 Iomraidhean Croise

Litanga 1:1

Mu litanga, Nyasaye yalomba ligulu ni lirova.

1 Kyetsinyinga 16:26

Kigira avanyasaye vandi vi zihiiri ziosi, vaveeye vifananyi vuzwa; navuzwa Yahova yalomba ligulu.

Ayubu 26:13

Ku mwika gwigwe Nyasaye yahuuza no kolomba ligulu kolengera, kandi numukono gwigwe yita goyoka gwu munyanza ugwali ni gwirukaa.

Ayubu 26:7

Nyasaye yavaambuula uvwerefu ku lovega lwa ivaale, kandi niyeleriza lirova havundu hatali ni kindu chu ku ligumira.

Ayubu 37:18

Unyala kokoonya Nyasaye kuvambuula ligulu kandi ulikole live lidinyu kuli kivia kisiyiywi?

Ayubu 38:11

ndaagevoolera, ‘Ivi inyanza hamba hano, na si ulavita ahene yaaha mba! Viguvuli vivio vie zinguru kuduuka vigalirwi hano.’

Ayubu 38:16

“Ivi wayingira ku musi mwi visenukiru vie inyanza? Wagenda ku kulwaalo lwi inyanza?

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 77:19

Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Isaya 40:22

Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 51:13

Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 10:12

Yahova yalomba lirova nizinguru zizie mwene; yalomba kivala novogeri vwivwe kandi navambura ligulu.

Jeremia 51:15

Yahova yalomba lirova kuzinguru zizie mwene; Yalomba kivala novogeri vwivwe mwene kandi navambura ligulu.

Zekaria 12:1

Yili ni likuva kutura ku Yahova kigira Isiraeli, Yahova walomba ligulu ni lirova, kandi wahaana livamwoyo ku mundu avoora,

Yohana 6:19

Lwa aviigi vaali nivakazia ahimbi zikilomita zitano anoho sita, valora Yeso nagenda ku mazi, ni yaazaa ahimbi ku liato. Vaatia ligali.