Ayubu 9:4 - KITABU KITAKATIFU

⁴ Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Ayubu 9:4 Iomraidhean Croise

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

Ayubu 11:6

Akuvuulira ndi ziveeye ho ni zinzira zinyingi zio konyoora ovogeri, viveeye ho ni vindu viu mundu anyala kuvula kumanya novogeri vwivwe. Maku umanye ndi, Nyasaye akohezaa mageri makekeeke kuvita ga mahiolo googo gaduukanaa onyoore.

Ayubu 12:13

Nyasaye aveeye no vogeri kandi ni zinguru, kandi aveeye nilimanya lia amakuva gu kwideera.

Ayubu 15:13

Mwoyo gugwo guhing'anaa na Nyasaye, na yiki nicho kigira novoora amakuva kuli yaga kuye.

Ayubu 23:6

Nyasaye yakahingani niinzi ni zinguru zizie ziosi? Awa, yakahulirizi makuva gange.

Ayubu 24:22

Nyasaye, mu zinguru zizie, adivizaa avizingulu; muvikolwa via Nyasaye avachamu vakuza.

Ayubu 25:2

“Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

Ayubu 28:23

“Nyasaye amanya inzira yukuduuka kuvwo kandi oyo yeng'ine amanya aha vomenyaa.

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 38:36

Nivwaha wavoolera ‘Ibisi’ wu mwigulu ndi mugera gwa Naili gwizuuyi? Kandi nivwaha wavoolera idaywa ndi imbura ilakuba?

Ayubu 38:37

Nivwaha oveeye no vogeri uvunyala kuvaliza malesi? Kandi nivwaha unyala kuginaminya gakubizi imbura?

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Ayubu 41:2

Unyala kovoha mugoye guvitiri mu muulu gayo? Anoho ufuduli ulusaya lwayo ne ndoani?

Ayubu 6:10

Niiva Nyasaye yakakoli ndio, ndakaveeye ni lileminywa mwoyo; kali niiva ndakaveeye nilizuunwa linene mu muviri gwange, Mbeeye ni limanya ndi Nyasaye aveeye mutakatifu; kandi ngikiri kuhing'ana ku na malago geege mba.

Ayubu 9:19

Niiva ni ligerana lie zinguru Nyasaye aveeye ni zinguru, kumbita inzi. Niiva na makuva gi likalaga lirungi, nivwaha unyala kumuleeta mu kiyaalo?

Zaburi 104:24

O, Yahova, ivi walomba vindu vinyingi! Walomba vindu viosi novogeri vonene ligali! Lirova liosi lizuuyi vilombe vivio.

Zaburi 136:5

Yalomba ligulu ku vogeri vwivwe vonene; kigira uvuyanzi vwivwe vuhindiraa mihiga ni mihiga.

Kutwula 15:7

Mu vonene vwu vukumi vuvwo, waguuta avasigu vovo, uvutima vuvwo vwaka kandi vuvasambaa kuli uluvuva.

Kutwula 9:7

Mwami yateeva ichaali nichekoleki, na yavolerwa ndi umutugu kali mulala gwa vandu va Isiraeli sigukuzi ku mba. Navuzwa yadinyia umwoyo, gwigwekandi navula koleka avandu vazie.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Jeremia 50:24

Avandu va Babiloni, munyi mwalwana inzi, na mumali kugumirwa mumutego gwa ndamutega, kali niiva simwamanya mba.

Danyeli 2:20

Yavoola, “Nyasaye aveeye mugeri kandi wizingulu. Kumwizominye mihiga ni mihiga.

Nahum 1:3

Yahova siavugula vutima vwangu mba, navuzwa aveeye ni zinguru zinene ligali, kandi sialekaa vandu vadamanu kuzia vugira konyoora mageri mba. Havundu ha Yahova agendaa, kiihi kandi kihuzuzi viveeye ho; malesi gaveeye luguchi lutulaa mu vilenge vivie!

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 1:8

zia yahaana ku kunyi kuvita kegero. Mu vogeri vwivwe vwosi kandi limanya,

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.