Ayubu 9:26 - KITABU KITAKATIFU

²⁶ Livamwoyo liange livitaa vwangu kuli liato lia vwangu ligali, kuli indizu yikaa vwangu kumamira kifoyo.

Ayubu 9:26 Iomraidhean Croise

2 Samweli 1:23

“Saolo na Jonazani, vaali avalahi kandi avayaanzwa ligali. Mulivamwoyo, kandi mu likuza; sivaavukana mba. Vaali avizimbiru kuvita zindizu. Vaali avizingulu kuvita zisimba.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Isaya 18:2

Avatumwa vatura mu kivala yiki kuzia ku mugera gwa Naili mu amato agalombwa kutura ku vidundu. Mwilane yengo galaha, munyi avatumwa va vwangu! Mwilanyie amakuva mu kivala chiinyu ichagavulanywa ni migera, muhaane ku ihiiri ya vandu vinyu avaveeye nizinguru kandi nuvunyari, avataambi kandi vi ligodo lilahi, kandi avizingulu zinene ligali, avaveeye avandu vatiivwa kivala choosi.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Lisyoma lya Jeremia 4:19

Avasigu viitu vanyagura zimbiru kuvita zindizu ziu mwigulu; vakukunga kuvitira ku vigulu kandi vaakogoneka mwigendanyama.

Habakuk 1:8

“Zibarasi ziavo ziveeye ni zimbiru kuvita zingo, kandi ziveeye zinduru kuvita vivwi viveeye ni inzara. Avahiri vi zibarasi vazaa ni vanini kuzio kutura muvivala viveeye ihale; zibarasi ziavo zikwatula malova. Viika kutura ku zibarasi vwangu kuli kihungu kigumi via kihiimaa.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;