Ayubu 9:24 - KITABU KITAKATIFU

²⁴ Nyasaye yahaana kivala ku vachamu, kandi afumaa zimoni zia vakalagi, kandi niiva siaveeye Nyasaye waavikola, ku nivwaha waavikola?

Ayubu 9:24 Iomraidhean Croise

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

2 Samweli 19:4

Mwami munene Daudi yatuma mumoni mwimwe kandi nalira vudinyu, “O, muyaayi wange! Muyaayi wange Abisolomu! Abisolomu muyaayi wange!”

Esther 6:12

Kunangwa Modekai yamanya ni yirana ha kirivwa chi inyumba yu vwami, na Hamani yazia yengo vwangu nahenzi hasi mu zisoni zinene novovereri.

Esther 7:8

Hamani yaali ni yakagwa haasi imbiri wa Esiteri namuteeva amuveere zimbavasi, lwa umwami yirana kutura mu mulimi gwinyumba yu vwami. Lwumwami yalora yaga, yahanzuka, “Mundu uyu yenya kwonongonyia mukali wange kuzingulu imbiri wange, kandi munyumba yange!” Mwami nakikiri kumala kovora yaga, vatumikiri vu mwami vagumira nonoho nukufuuma mutwi gwa Hamani vwangu.

Ayubu 10:3

Gaveeye vulahi ku ivi kuundambiza, nukuchaya mundu wa umali kolomba kandi nukuyaanzilila lilohiza lia vandu vachamu?

Ayubu 12:17

Nyasaye atulizaa ovogeri ku avideeri, kandi alombaa avakalagi kuva kuli avasiru.

Ayubu 16:11

Nyasaye umali kumbika imbiri wa vandu vatamumanyi, kandi kumbika mu makono ga vandu vachamu.

Ayubu 19:7

Henza, ngubaa lukwiri, “Kigiri vusaliri!” Nzanira sindivulirwa mba, nzanira vudinyu navuzwa likalaga lirungi siliveeye ho mba.

Ayubu 22:8

Mundu wi zinguru yavugula kivala choosi cha avadedekere, nayaleka vandu vayaanzilirangwa komenya mucho.

Ayubu 24:12

Likenya lia avandu vakuza lihulirika kutura mu lidaala linene, linene, kandi avatumitiywi vanira vokonyi navuzwa Nyasaye siahulirizaa lisaala liavo mba.

Ayubu 24:25

Nigataveeye ndio, nivwaha unyala kukalagira inzi kuva muvehi, kandi kumanyia ndi makuva gange si gaveeye agiligali?

Ayubu 32:2

Navuzwa Elihu, muyaayi wa Barakeli kisukururwi cha Buzi, uwinyumba ya Ramu, yaali nu vutima na Ayubu ligali kigira Ayubu yekola kuva mulungi, nukudura Nyasaye.

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Jeremia 14:4

Kigira imbura sieveeye ho mba, kandi lirova liveeye iliumu, avalimi vasaalira mu mioyo; ma vava mu zisoni.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”