Ayubu 9:12 - KITABU KITAKATIFU

¹² Ligali, Nyasaye avugulaa choosi cha yenya, na siaveeyeho nu mundu unyala kumugaya mba, siaveeyeho nunyala kuluvilira ku muteeva, “Okolaa ki?”

Ayubu 9:12 Iomraidhean Croise

2 Samweli 16:10

Mwami Daudi yavolera Abishai na amwavo weve Joabu, “Yaga sigaveeye agoogo mba. Niiva yaanaama kigira Yahova amuvooleeye, gaveeye ku vwaha okoteeva ni kigira ki akolaa ndio?”

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Ayubu 11:10

Niiva Nyasaye avitira hagati, nokokovoha muvuhambe, na akuhile mu likalagirwa, nivwaha unyala kumwigalira?

Ayubu 23:13

Nyasaye sianyala kugirung'ana mba, kandi siaveeye ho nu mundu unyala kuhing'ana naye mba, anoho siaveeye ho mundu unyala kumugaya kokora agalaliraa kokora mba.

Ayubu 33:13

Kigira ki uyalaa Nyasaye ku livula kutivulira mundu lielilira lilie?

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Kohelethu 8:4

Mwami yamiha nu vunyali na si aveeyeho nu mundu unyala kuhing'ana ni kindu chavoola mba.

Isaya 43:13

Inzi mbeeye Nyasaye na ndakave ndio kazozo. Sihaveeyeho nu mundu kali mulala unyala kohona kutura ku zinguru ziange; siali ho numulala unyala kugirung'anyia icha inzi mali kokora.”

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Jeremia 18:6

“Mbeeye nuvunyari kokora kumunyi avandu va Isiraeli agumulongi yakola nilidohi? Munyi muveeye mumakono gange kuli lidohi liveeye mumakono gumulongi.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Matayo 11:26

Yee, Baba, nindio wenyaa gakoleke.

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Varumi 11:34

Kuli Mang'oda Matakatifu gavoora, “Nivwaha umanyi zing'anagani ziu Mwami? Nivwaha unyala kuva mulungikizi wi zing'anagani zizie?

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.