Ayubu 8:6 - KITABU KITAKATIFU

⁶ niiva oveeye musereeze mu mwoyo kandi mulungi imbiri wa Nyasaye, ligali kalunu alaza kokokonya, kandi alakugasiza nu kuhaana ku ivi amadanyi go vomenyo vwu vulungi vuvwo.

Ayubu 8:6 Iomraidhean Croise

Ayubu 1:8

Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Ayubu 11:14

Niiva uvwoni voveeye mu, ivi uvutulize, kandi utavugilira mundu kali mulala wu vuchamu komenya mu lihema liilio mba.

Ayubu 16:17

Kali vutindi ni vutaveeye mu inzi, lisaala liange liveeye lirungi imbiri wa Nyasaye.

Ayubu 34:28

Kunangwa vaniga avadaka vaaniri ligali ku Nyasaye; naye yahulira lilira liavo kigira kwenya ovokonyi.

Ayubu 5:24

Maku ulamenya mu mirembe mu lihema liilio; ulanyora mitugu jijo, josi nijiveeye mu mirembe lwujiluuta.

Zaburi 18:25

O, Yahova, oveeye musuuvirifu ku yavo avaveeye vasuuvirifu ku ivi, kandi oveeye umulahi ligali ku yavo avaveeye vadukiru imbiri woovo.

Zaburi 44:23

O, Yahova, yaanza okokonye, utaleka avasigu viitu vakudambizi mihiga ni imihiga mba.

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 3:33

Yahova kilaamo kuzinyumba zia vandu vakora vuchamu, navuzwa agasizaa zinyumba zia vandu vaveeye avalungi.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.