Ayubu 7:6 - KITABU KITAKATIFU

⁶ Madiku gilivamwoyo liange livita vwangu ligali kuli kinaviru chu munavi. Kandi livamwoyo liange liduuki ku kiheri vugira lisuuvirizwa.

Ayubu 7:6 Iomraidhean Croise

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Ayubu 14:19

Kuli amazi gagehizaa amagina, kandi kuli imbura ikubaa enene ma mazi gaahira lirova, kandi nindio ivi Nyasaye udiviza lisuuvirizwa lie livamwoyo lia vandu.

Ayubu 16:22

Mihiga jange jivitaa, ndazia kunzira ya ndakavuli kwirana ku kandi mba.

Ayubu 17:1

Keheri chi livamwoyo liange keveeye ahimbi, sinyala koherana kandi mba. Kirindwa chetegeki kumbugura.

Ayubu 17:11

Madiku gange gafeye, lilohiza liange liheri, kandi lisuuvirizwa liange ligoti.

Ayubu 17:15

Lisuuvirizwa liange liveeye haliha? Nivwaha unyala kolola lisuuvirizwa liange?

Ayubu 17:16

Lilasulungutaa kuduuka mu kirindwa? Liliika harara ninzi kuduuka mu luguchi?

Ayubu 19:10

Umali kuunduvulanyia kutura ku zimbega ziosi, na ndigaye mwene; kandi wiihi lisuuvirizwa liange kuli musaala.

Ayubu 6:11

Inzi simbeeye ne zinguru kuzizagilira kuva mwoyo mu kivala, kandi sindora kivuni inzi kuzizagilira komenya vugira lisuuvirizwa mba.

Ayubu 9:25

Kalunu madiku gi livamwoyo liange ganyagulaa zimbiru ligali vwangu, kuvita munyaguli. Girukaa ligali, sigalolaa uvulahi mba.

Zaburi 102:11

Livamwoyo liange liveeye kuli chiriri cha hamugorova; nialaa vuzwa kuli vunyasi.

Zaburi 144:4

Mundu aveeye vuzwa kuli mwika, kandi amadiku geege kuli chiriri kivitaa.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Jeremia 2:25

Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Yakobo 1:11

Liuva litongaa harara nu vuhiu vwalio vululu kandi lisaamba nu kwuminya vulimu. Ikimuli chavwo kivungulukaa nuvulahi vwacho vudivizwa. Munzira ndala nzere, mutugi alakadivizwi lwazizagilira ni miyinzi jije.

Yakobo 4:14

Simumanyi livamwoyo lienyu mugamba nalive ki? Muveeye vuzwa kuli umwoki ogololekaa vuzwa ku ing'inga ngekeeke, ma gogota.

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 1:24

Mang'oda Matakatifu gavoora, “Avandu vosi vaveeye kuli uvunyasi, kandi uvukumi vwavo voveeye kuli kimuli. Vunyasi vwuma, kandi kimuli chavwo kivungulukaa