Ayubu 7:16 - KITABU KITAKATIFU

¹⁶ Inzi mbihiriraa livamwoyo liange madiku goosi, ondeke mbe, madiku gi livamwoyo liange gaveeye hazwa kuli mwika.

Ayubu 7:16 Iomraidhean Croise

Litanga 27:46

Rabeka yavolera Isaka, “Inzi mbihirirwa na vakali avageni vi kivala cha Hiti. Niiva Yakobo alaleeta mukali mulala ku vakali yava, vwakaveeye vulahi inzi kukuza.”

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

Ayubu 10:1

Mwoyo gwange guluhi nilimenya. Ndamoloma havulavu kigira lielilira liange, kandi ndamoloma nu vutima vwu mwoyo gwange.

Ayubu 10:20

Madiku gi livamwoyo liange gaveeye gageehi? Ndeka mbe! Uleke sangaliri madiku gange gatigaye.

Ayubu 14:6

Leka mundu uyu ave yeng'ine, leka asangaliri madiku geege gi miyinzi midinyu niiva alanyala.

Ayubu 6:9

Vwakaveeye vulahi niiva Nyasaye yakaashonolanyi! Kandi yaanziti nduli mu kivala!

Ayubu 7:15

Ndakayanzi kumigwa nu kukuza, kuvita komenya mu muviri yigu ugwizuyi uvuzunu no vovereri.

Ayubu 7:7

Wizulizi, O, Nyasaye, livamwoyo liange liveeye kuli mwika, emoni yange silalola uvulahi kandi mba.

Ayubu 9:21

Kali niiva mbeeye vugira imbara, simbendaa mwoyo ku kinyala kwekoleka ku inzi mba. Mbihiliraa livamwoyo liange.

Zaburi 144:4

Mundu aveeye vuzwa kuli mwika, kandi amadiku geege kuli chiriri kivitaa.

Zaburi 39:10

Utahaana amageri ku inzi kandi mba, kigira mbeeye ahimbi kukuza kuturana na amageri ga ombezaa.

Zaburi 39:13

O, Yahova, yaanza utulizi amageri googo ku inzi, ombe zinguru kandi vusangali vwi zimbavasi zizio imbiri wa ngikiri kukuza nu kwivililwa ligali.

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Zaburi 62:9

Avandu vosi vaveeye vuzwa kuli umwika. Avanene navakekeeke keleng'ani sivaveeye kindu kitakonya vaviiki ku kibimu, na sivali nuvulitu mba; vaveeye avahuuhu vuzwa kuvita mwika.

Zaburi 78:33

Kunangwa yaaheriza madiku gaavo kuli mwika, kandi livamwoyo liavo liahera nonoho kuturana nikivi.

Zaburi 78:39

Yizuliza ndi yava vaveeye vuzwa avandu avilikuza. Vaveeye vuzwa kuli mwika guhuzaa ma gogota vugira.

Kohelethu 2:17

Kunangwa ndaduunyira livamwoyo, kigira kindu choosi chandaakola mu kivala, chandetera vovereri. Vindu viosi viveeye vuzwa. Goosi gaveeye vuzwa kuli kudidikana nokolonda imbuza.

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Jona 4:3

Kunangwa O, Yahova, ngogonya oleke inzi nguzi nivulahi inzi nguzi kuvita kuva mwoyo.”

Jona 4:8

Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”