Ayubu 6:14 - KITABU KITAKATIFU

¹⁴ Uyu usulaa kovererera mulina weve, siatizaa Nyasaye Wuvunyali mba.

Ayubu 6:14 Iomraidhean Croise

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Ayubu 1:5

Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Ayubu 15:4

Navuzwa ogerizaa kuvula kutia Nyasaye, kandi wigalira avandu kuvula kumusigamira.

Ayubu 16:5

Ngano ndakavadinyirizi na makuva gange, nu kuvaleminya mioyo.

Ayubu 19:21

O, munyi avalina vange, mumbererere! Kigira, mukono gwa Nyasaye gumali kunduya!

Tsing'ano 17:17

Mulina amanyia vuyanzi vuli ing'inga, navuzwa amwavo aveeye ho kokonya ing'inga yu vudinyu.

Tsing'ano 25:19

Kusuuvira mundu utaveeye musuuvirifu mu ing'inga yu vudinyu, gaveeye kuli kogeriza kulia noveeye ni linu liadengeya, anoho kogenda ne kelenge chafogoya.

Zekaria 7:9

“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache.

Luka 23:40

Navuzwa wundi yamugondokera, navoora, “Ivi siunyala kutia Nyasaye kali hakuzu? Kigira, ivi oveeye mu likalagirwa lilala liere kuli uyu.

Varumi 12:15

Musangare harara na yavo avasangalaa, musiome harara na yavo avasioma.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.

2 Vakorintho 11:29

Lwu mundu woosi aveeye mudedekere mu lisuuvira, inzi kandi mbeeye mudedekere; lwu mundu woosi akolaa vwoni, inzi kandi mbezaa ni lihenda mwoyo.

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.