Ayubu 5:5 - KITABU KITAKATIFU

⁵ Avandu viinzala valalia ligesa lia vasiru, kali valavugula vuswage vuvilukiraa hagati ha mafwa; kandi avuvuluhu valakendekera vutugi vwivwe.

Ayubu 5:5 Iomraidhean Croise

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Ayubu 1:15

Nonoho Avasabeya vatulira ma niviva ziosi. Viiti sa mulala ku avatumikiri vovo nitali inzi nzieng'ine niyie ohononoki nzize kukoletera makuva.”

Ayubu 1:17

Lwa yaali nakikiri kumala limoloma, mutumikiri wundi yaza navoora, “Viduma vivaga via Vakalidea vakunuuyi zing'amia, kandi viiti avatumikiri vovo vosi nikivavi nitali inzi nzieng'ine niyie ohoni nzize kokovoolera amakuva!”

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 2:3

Yahova yamuteeva, “Ololi ku mutumikiri wange Ayubu? Siaveeye ho numundu kali mulala ku kivala oveeye musuuvirifu kandi mulungi kuli Ayubu mba. Atizaa inzi, kandi yeleha kutura ku likora uvudamanu vwosi vwi lirova. Navuzwa akikiri vuzwa musuuvirifu kandi mulungi wange kali ivi nongoonyaa nguvugiliri umukuyi nukumudiviza ligali vugira kivuni choosi.”

Ayubu 20:15

Mudamanu amiraa uvutugi vwa yiva ma avuluka kandi; Nyasaye avutulizaa, munda mwimwe.

Ayubu 20:22

Mu lizula liu vuduukiru vwivwe, ikivi kilamukunika, uvuliduhu vwosi vwo vovereri vulaza kuye.

Ayubu 22:10

Na kigira yaga ivi ukumbiriziywi ni mitego, kandi nonoho, ivi wizuye uvuti vunyingi.

Zaburi 109:11

Leka yavo avamuvanzaa magovi vavuguli miandu jije josi; leka avageni valanye viosi via yaanzilira!

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Jeremia 51:34

Nebukadineza, mwami wa Babiloni amali kwononyia Lidaala linene lia Jerusalemi kandi kuliduvuranyia. Alikoli kuva hazwa kuli ikiju; alamili vugara kuli ogoyoka ogonene. Avuguyi viosi via yenya kandi asiuvi ivindi viosi vitigaye ihale.

Jeremia 51:44

Inzi ndahaana amageri ku Beli, umunyasaye wa Babiloni, kandi ndamukora ahaane vindu viosi via yavugula. Zihiiri si ziramusigamira kandi mba. “Madigi gi lidaala lia Babiloni gamali kugwa.

Lisyoma lya Jeremia 2:16

Avasigu vinyu vosi vamunyega; vamusekerizaa nokodedeyiza amiinu gaavo nivalira nivavoora, “Kumali kulidiviza! Aha, yili ni lidiku lia kwalindilira, kalunu liduuki kandi kuliloli!”

Lisyoma lya Jeremia 2:5

Yahova amali kudiviza Isiraeli kuli umusigu. Yadiviza kali zinyumba ziu uvwami vwavo kandi zimbinga zie lidaala linene ziatigala mang'anye. Yameda ku vandu vi Ivuyuda lisioma kandi liverera linyingi.

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.

Kwidzulitsa 28:51

Valalia mitugu jinyu kandi viamo vienyu na munyi mulava ninzara kuduuka lwa mukuza. Sivalamulekela vuswage ku iwaini, maguta ga mizeituni, anoho magondi mba, kuduuka lwa mukuza.

Vakalagi 6:11

Maku engelosi wa Yahova yaza mu lidaala lia Ofura niyikara mumusaala gwa Joashi, umundu wihiiri ya Abiezeri. Umwana weve Gidioni yaali nahuuraa ingano havundu ahivisu hukukamululira iwaini kigira siyenya vandu va Midiani vamanye ahuuraa ingano mba.