Ayubu 5:13 - KITABU KITAKATIFU

¹³ Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Ayubu 5:13 Iomraidhean Croise

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 15:34

navuzwa unyala kongonya niiva wirana mu lidaala linene kandi ovolele Abisolomu ndi ulamutumikira kalunu nu vusuuvirifu kuli watumikira baba weve. Okole goosi agunyala ukuhing'anyia zing'anagani ziosi zia Ahizofeli ahaanaa.

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Esther 9:25

Navuzwa lwa Esiteri yazia ku mwami, mwami yahaana amalago mu mang'oda ndi, lilohiza lie zing'anagani zindamanu zia Hamani yaali naalombeeye Avayuda, vimugwiili umwene, kandi oyo harara na vayaayi veve vasungwi ku mwinuya gwa yalombera avandi.

Ayubu 15:5

Munwa gugwo guveeye na makuva gu vuchamu, na lulimi lulwo lovoolaa makuva gu vugadi.

Ayubu 37:24

Kulwayago, avandu vosi vamutizaa; kandi siahendera mwoyo mundu woosi uganaganaa aveeye mugeri mu liegingira lilie mba.”

Zaburi 18:26

Ivi oveeye mutakatifu ku yavo avaveeye vatakatifu, navuzwa oveeye umululu ku yavo avaveeye vachamu.

Zaburi 9:17

Avachamu valatura kuzia mu kihadisi, yavo avasuuraa Nyasaye valazia vosi mu kihadisi.

Tsing'ano 3:32

Kigira Yahova adunyiraa vandu vakora vudamanu. Navuzwa yayisuuviriza kigira valungi veve.

Isaya 19:3

Ndagoyanyia lilohiza lia vandu va Egebeti, kandi ndononyia amakuva gaavo. Valazia kwenya ovokonyi kutura ku vifananyi viavo, kandi valazia ku valaguli na vakumu kwenya zing'anagani kutura ku vakuzu.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Jeremia 8:8

Munyi munyalandi kovora muveeye avageri, kandi mwamanya amalago gange? Henza, avang'odi avataveeye avasuuvirifu vamali kugirung'anyia amalago kugwa ovovehi.

Jeremia 8:9

Avandu vovogeri valaviikwa mu zisoni, kohenda mioyo kandi valagumirwa; vamali kusuura makuva gange. Kalunu vogeri ki vwa vaveeye navwo?

Jeremia 9:22

Miviri jiavakuzu jiasalanywa havundu hoosi, kuli vitumi vie isiina mumirimi, kuli uvuswage votemeywi nukungarwa numugesi, kuli uvuswage vumundu atavungizi. Yaga nigo aga Yahova amboleeye mbore.”

Livalidza 22:25

Lwibunda yalora engelosi, yisunda ku lidigi nihulula ku kelenge cha Baalamu. Baalamu yakuya ibunda lwa kaviri.

Luka 1:51

Akoli vindu vie zinguru nu mukono gwigwe: Usalanyi avigingiri mu zing'anagani zie mioyo jaavo.

1 Vakorintho 3:19

Ichi lirova yili liganaganaa kuva vogeri, keveeye uvusiru imbiri wa Nyasaye. Amang'oda Matakatifu gavoora, “Nyasaye agumiliraa avageri mu vogeri vwavo.”