Ayubu 42:3 - KITABU KITAKATIFU

³ Ivi oteevi ndi, nivwaha uyu uvisaa zing'anagani vugira limanyiriza? Kulwayago, mali komoloma makuva ga inzi mwene ndaavura kumanyiriza; Kandi mali kovora vindu viokogenyia ligali, via inzi ndaavura kumanya.

Ayubu 42:3 Iomraidhean Croise

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 11:9

Vonene vwa Nyasaye voveeye vutambi kuvita lirova; kandi uvuvambalaru kuvita inyanza.

Ayubu 13:1

Henza, zimoni ziange ziloli yaga goosi, kandi matu gange gahuliye nu kumanya goosi.

Ayubu 38:2

“Ivi oveeye vwaha uhing'anaa ni zing'anagani ziange na makuva gataveeye mu ni limanyiriza?

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Zaburi 131:1

O, Yahova, inzi mali koleka luyaayi lwange, kandi mali kugirung'ana kutura ku liegingira liange. Inzi sinziyingirizaa mu makuva manene mba, anoho vindu viveeye vidinyu ligali ku inzi mba.

Zaburi 139:6

Limanya liilio lia umanyi inzi liveeye liu musi ligali, livitaa ligali limanyiriza liange.

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.