Ayubu 4:17 - KITABU KITAKATIFU

¹⁷ “Umundu wilikuza anyala kuva mulungi kuvita Nyasaye? Mundu anyala kuva muduukiru kuvita Mulombi weve?

Ayubu 4:17 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 31:15

Nyasaye mulala mwere wanomba munda mwa mama wange, kandi uwalomba mutumikiri wange. Oyo niyie walomba kunyi kwosi.

Ayubu 32:22

Inzi simanyi kugaada namakuva gilizominya vuzwa, na niiva ndakakoli ndio, ngano Nyasaye yakambeeye amageri.”

Ayubu 35:10

Navuzwa sivagirung'ana koyeeka ku Nyasaye mulombi wavo mba; uvaheezaa lisuuvirizwa mu zing'inga ziavo zie kisundi kenene ligali.

Ayubu 35:2

“Uganagana likuva yili nililungi? Ivi ovola, ‘Oveeye mulungi imbiri wa Nyasaye.’ ”

Ayubu 36:3

Limanyiriza liange liveeye livambalalu; ndatumikira cha inzi manyi kumanyia ndi Nyasaye, umulombi wange aveeye mulungi.

Ayubu 4:16

Kindu chasingira makiriri imbiri wange, ndaachumika, navuzwa sindali nyara kumanya ligondo liacho mba. Kifananyi chaali imbiri wange kandi haali ho ni lichiring'ana. Maku ndaahulira mwoyo nigovoora:

Ayubu 40:8

Unyala kali kumbika mu vudamanu? Unyala kungaragira kuva muhioli ku uduuki kwekola mulungi?

Ayubu 8:3

Uganaganaa Nyasaye achaminyaa likalaga lirungi? Anoho uganaganaa Wuvunyali achaminyaa uvulungi?

Ayubu 9:2

Ligali Inzi manya ndi aga umali kovora na giligali. Navuzwa mundu anyala kuva ndi mulungi imbiri wa Nyasaye?

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”