Ayubu 38:8 - KITABU KITAKATIFU

⁸ Nivwaha wahaana virivwa kwigalira inyanza yizuuyi, lwa mazi gafudula kutura musi mwi lirova?

Ayubu 38:8 Iomraidhean Croise

Litanga 1:7

Nyasaye yalomba uvwerefu, kwavukanya mazi agaali isi wu vwerefu kutura ku mazi gaali igulu wuvwerefu na gaali ndio.

Litanga 1:9

Maku Nyasaye yalaga, “Amazi agaveeye isi wi ligulu gavuungi havundu harara, kunangwa lirova liumu liloleke.” Gakolekaa ndio.

Ayubu 28:25

Lwa Nyasaye yaaha imbuza zinguru ziayo, nokogerera inyanza ovonene vwayo;

Ayubu 38:10

Ndaalombera inyanza zinzako, kandi ningihanira inyima wi miliango ni miluguyu,

Ayubu 38:9

Yaali inzi wakunika inyanza na malesi kandi ndagikumbiriza ni kisundi kenene.

Zaburi 104:6

Wakunika lirova na mazi ginyanza kuli inguvu, kandi amazi gakunikaa vigulu.

Zaburi 107:24

Valora vikolwa via Yahova, kandi miyinzi jije jokogenyia mu luliva lwi inyanza.

Zaburi 33:7

Yavungiza amazi gi zinyanza ziosi nagaviika havundu harara, avungiza zinyanza ziosi kuli mundu avungiza vuswage mu kedeera.

Tsing'ano 30:4

Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Tsing'ano 8:29

kandi nalaga mazi ginyanza gavuli kuvita hayaali nalagizi. Ndaali ho lwayavika musingi gwi kivala.

Isaya 40:12

Mundu anyala kogera amazi gi inyanza ku luhi lwumukono gwigwe, anoho kogera ligulu namakono geege? Mundu anyala kogera amalova gi kivala mu kekombe, anoho kubima vigulu kandi tugulu mu zikilo?

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.