Ayubu 37:5 - KITABU KITAKATIFU

⁵ Ku lilaga lia Nyasaye ivindu viokogenyia viekoleka, vindu viukuhuga via kunyi kutamanyiriza viekoleka.

Ayubu 37:5 Iomraidhean Croise

Ayubu 11:7

Unyala konyoora vikolwa viokogenyia via Nyasaye? Unyala kumanya keheri chu Wanyala Viosi?

Ayubu 26:14

Navuzwa, yaga gaveeye litanga vuzwa lie vikolwa vivie vie zinguru, yili ni limonya likekeeke vuzwa lia kuhulira mu makuva geege. Navuzwa, nivwaha unyala kumanya ligali ovonene vwi zinguru zia Nyasaye?

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Ayubu 37:14

“Ayubu, kiring'ana hakekeke; uganagane ku agokogenyia ga Nyasaye akolaa.

Ayubu 37:16

Ivi wamanya kuli malesi geremaa muvwerefu? Ivi wamanya miyinzi jokogenyia juvusiza ja Nyasaye?

Ayubu 37:2

Muhuliri munyi mwosi lihirigana liu mwoyo gwa Nyasaye, kandi liatuluruka kuli lienguba litulaa mu munwa gwigwe.

Ayubu 37:4

Maku lihuuma liu mwoyo gwigwe lihulirikaa. Mwoyo gwu luyali lwilwe gwatulurukaa, kandi loheni lohemahemaa.

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Ayubu 9:10

Akolaa vindu vinene ligali viu mundu anyala kuvula kumanyiriza kandi yakola vindu vinyingi viokogenyia ivitaveeye nilivaliza.

Zaburi 18:14

Yalasa mivano jije ju vuta, naasalanyia avasigu veve. Yavakunga ni lihemahema lie zimbeni.

Zaburi 29:3

Mwoyo gwa Yahova guhulilikira ku zinyanza, Nyasaye wu vukumi yaatululukiza zinguba, na mwoyo gwigwe gulangiliraa ku zinyanza.

Kohelethu 3:11

Yalomba vindu viosi vilahi mu ing'inga yavio; kandi ya viika limanya lie mihiga ni mihiga muziganagani ziu mundu, navuzwa mundu si yamanyiriza ga Nyasaye yakola kutura mulitanga kuduuka mulimalirika mba.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!