Ayubu 32:13 - KITABU KITAKATIFU

¹³ Mwilindi, gase mulavoola, ‘Kalunu kumali konyoora ovogeri.’ Nyasaye niyie unyala kutivulira Ayubu, siaveeye mundu mba.

Ayubu 32:13 Iomraidhean Croise

Litanga 14:23

ndi si ndavugura ku kindu chicho kali kilala mba, kali luvusi kinga migoye jivilato mba. Maku nuvuli kovora, ‘Inzi ndaakola Aburamu kuva mutugi mba.’

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Ayubu 12:2

Lihayahayiza si liveeyeho mba, munyi muveeye avandu, na ovogeri vulakuza namunyi.

Ayubu 19:21

O, munyi avalina vange, mumbererere! Kigira, mukono gwa Nyasaye gumali kunduya!

Ayubu 19:6

mumanye ndi Nyasaye ongoleeye vudamanu, kandi yaandegi nu mutego gwigwe.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 31:40

hene yaho, leka amafwa gaviruki mu muvogono vwi ingano, na indiva emeraa mu mulimi yigu mu vogono vwi ishairi.” Makuva ga Ayubu gaheri hano.

Ayubu 32:12

Ndakumuhuliriza nu mwoyo gwosi, navuzwa si haali ho numulala ku munyi uhangalizi Ayubu; anoho utivuuyi kindu ku makuva geege mba.

Ayubu 32:14

Ayubu amolomangi ku munyi, siaveeye inzi mba, kulwayago, sindamutivulira kuli munyi mumutivuliiyi mba.

Ayubu 4:9

Nyasaye, avadiviza nu mwika gwigwe gwu vutima. Kandi liatuluka liu vutima vwivwe vagotaa.

Ayubu 6:4

Nyasaye Wuvunyali umali kundumita ni mivano juvuta; kandi vuziva vwi mivano yijo vumali kusalana mu muviri gwange. Nyasaye umali kutihiza inzi.

Isaya 48:5

Ndamuvulira kale vindu viaza viekoleke ku munyi ku madiku gaaza, kandi nimuvoolera vindu viaza viekoleke imbiri wa vikikiri kwekoleka. Ndakora yaga kunangwa namuvuli kovora ndi, ‘Vifananyi viange viakola yaga kokoleka; vifananyi viange vie misaala nu munyasaye wikivia yagatakasa.’

Isaya 48:7

Ni kalunu lweng'ine lwa ngolaa vindu yivi kokoleka; sikeveeye ho ni kindu chekoleka kuli yiki mu madiku gaavita mba. Kilava ni chekoleka, ngano mwaali muvoore ndi mwamanya vindu yivi viosi.

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Ezekieli 28:3

Uganagana oveeye umugeri kuvita Danieli, si liveeye ho likuva linyala kuviswa kutura ku ivi mba.

Zekaria 12:7

“Inzi Yahova ndakahaane liguuta ku mahi gi Vuyuda kutanga, kunangwa luyali lwi visukululwi via Daudi kandi avandu va Jerusalemi valakanyore, si lulakave lonene kuvita lwi Ivuyuda yoosi mba.

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

Vakalagi 7:2

Yahova yavolera Gidioni, “Avandu voveeye navo navanyingi ligali Inzi singuvugilira vanyoore uvuguuti ku vandu va Midiani mba. Valaganagana nivo avatumikiyi uvunyingi vwavo ku vandu va Midiani. Kandi sivalamba lizominya kali hakuzu.