Ayubu 31:7 - KITABU KITAKATIFU

⁷ Niiva ndagirung'ana kutura kunzira inungi, na umwoyo gwange niguva nigolonda liegomba lie zimoni ziange, kandi niiva ngoleywi mumwamu ku likora uvwoni,

Ayubu 31:7 Iomraidhean Croise

Ayubu 16:17

Kali vutindi ni vutaveeye mu inzi, lisaala liange liveeye lirungi imbiri wa Nyasaye.

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 23:11

Virenge viange vigenda mu zinduvatiru zizie, mali kugumira ligali inzira yeeye, kandi si nyara kuzia halovega mba.

Ayubu 27:5

Sinyala kovora ligali ndi avasaza munyi muvooraa agiligali; Ndinyirizaa kovora ndi inzi simbeeye niimbala mba kuduuka likuza liange.

Ayubu 27:6

Ndazizagilira kovora ndi mbeeye mulungi! Mwoyo gwange sigulang'ondokera lwa inzi mbeeye mwoyo.

Ayubu 9:30

Niiva ndisaava umwene ni likonza, nukunihiza makono gange ni isavuni;

Zaburi 101:3

Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

Zaburi 7:4

niiva ndakora uvudamanu ku mulina wange, anoho kulanya musigu wange vugira kivuni,

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Ezekieli 14:3

“Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Ezekieli 14:7

“Lwa mulala ku vandu va Isiraeli, anoho mulala ku vageni vamenyi mu Isiraeli agirung'ana kutura ku inzi nukusigamira vifananyi, maku vazia koteeva zing'anagani kutura ku vaporofeti, Inzi Yahova ndahaana mativuli kuye.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Matayo 5:29

Niiva emoni yooyo inungi nekolomba okole uvwoni, ugitulizi, ugisiuvi ihale! Vwakaveeye vulahi ligali kuvita ivi kogotiza kilala ku vivero viu muviri gugwo, kuvita umuviri gugwo gwosi kusiuvwa mu gehena.