Ayubu 30:10 - KITABU KITAKATIFU

¹⁰ Avandu vandunyiraa ligali nu kwiyahula ku inzi. Sivalindagiliraa ukunduzira amate mu moni mwange mba.

Ayubu 30:10 Iomraidhean Croise

Ayubu 17:6

Nyasaye yangoleye ekehenyahenye, kunangwa avandu vaseke, vazaa ni vatuuza amate mu zimoni ziange.

Ayubu 19:19

Avalina vange vosi viligali vandunyiraa, kandi yavo avandayaanza ligali kuvita, vaang'irung'ani.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 88:8

Okoli avalina vange vandeke; umali kongola chukuvihiliriza kuvo; mbaniywi mu ligali kandi sinyala kwiruka mba.

Tsing'ano 19:7

Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Lisyoma lya Jeremia 3:30

Leka ahaane lusaya lwilwe ku mulala unyala kumukuya, kandi leka ave mulilegwa.

Lisyoma lya Jeremia 3:46

“Avasigu viitu vosi vakonyega nokokokolera kehenyahenye.

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Livalidza 12:14

Yahova yativulira Musa, “Baba weve alava niyamutuzira mate mu moni mwimwe, yaali yakaveeye mu zisoni ku madiku 7. Kunangwa Miriamu yahilwa ichova wa havundu hu kwivungikiza ku madiku 7. Inyima wa madiku yaga, anyala kwirana.”

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Matayo 26:67

Maku, vamutuzira amate mumoni ni vamukubaga; na yavo avaamusamula

Matayo 27:30

Vaamutuzira amate, nivavugura imbimbu nivamukuya nayo ku mutwi.

Kwidzulitsa 25:9

mukunzakali wa amwavo alazia kuye imbiri wa aviimiliri vi lidaala, amutulizi kilala ku vilato vivie, amutuziri amate mumoni, ma avoole, ‘Yiki nicho chekoleka ku musaza usulaa kwivulira amwavo weve kisukururwi.’