Ayubu 3:21 - KITABU KITAKATIFU

²¹ Avandu yava vegomba likuza, navuzwa sivalinyoola mba. Vegomba kuzia mu kilindwa kuvita kwenya nokonyoora vutugi vwa vutswa.

Ayubu 3:21 Iomraidhean Croise

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

Ayubu 11:20

Navuzwa vachamu sivalamanya agiligali mba; zinzira ziavo ziosi ziovohonyi zilagota, na lisuuvirizwa liavo lilakuza.

Ayubu 3:22

Avandu yava vasangalira likuza ligali, kandi vayanza lwa vatevwa mu kilindwa.

Ayubu 6:8

O, vwakaveeye vulahi nyore ichandevaa! O, vwakaveeye vulahi Nyasaye yambanili kolondekana ni lienya liange!

Ayubu 6:9

Vwakaveeye vulahi niiva Nyasaye yakaashonolanyi! Kandi yaanziti nduli mu kivala!

Ayubu 7:15

Ndakayanzi kumigwa nu kukuza, kuvita komenya mu muviri yigu ugwizuyi uvuzunu no vovereri.

Tsing'ano 2:4

Uvwenyelerizi vudinyu kuli wenyaa ifeza anaho vutugi vwaviswa.

Kohelethu 4:2

Ndaaganagana ndi, avandu vaakuza vaveeye vulahi ligali kuvita yavo avakikiri mwoyo.

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Jona 4:3

Kunangwa O, Yahova, ngogonya oleke inzi nguzi nivulahi inzi nguzi kuvita kuva mwoyo.”

Jona 4:8

Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”

Livalidza 11:15

Niiva ulangolera kuli ndio, ndakayanzi unziti kalunu ndi, kunangwa uvuli kongolera uvudamanu kandi mba.”

Likunula 9:6

mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.