Ayubu 27:23 - KITABU KITAKATIFU

²³ Imbuza imukubiraa liyoga lwa anyaguraa. Kandi imutihiza ni zinguru ziu kwononyia.

Ayubu 27:23 Iomraidhean Croise

1 Avami 9:8

“Litembeli yili lilagwa kitumi cha mang'anye, kandi vuli mundu mulala uvitira ho alegosa nokogenya. Alateeva, ‘Kigira ki Yahova naakora ndi ku kivala yiki kandi ku Litembeli yili?’

Ayubu 18:18

Alakungwa kutura mu kivala cha vandu avaveeye mwoyo, kandi alakungwa kutura mu vulavu nu kuzia mu kisundi.

Ayubu 20:8

Alatula ho kuli maloto, na sivalakaloleke kandi mba. Alakungwa kuli malola ga vudiku, na si alaloleka kandi mba.

Ayubu 28:1

Ligali haveeye ho na malina umwa izahabu iyavangwa. Haveeye ho havundu aha izahabu isiyilangwa.

Ayubu 34:37

Kigira amedaa uvwibaali ku vwoni vwivwe. Ahenyahenyaa Nyasaye imbiri wiitu nokomeda amakuva geege ku Nyasaye.”

Ayubu 7:10

Sialiirana kandi munyumba yeeye mba, kandi avandu vinyumba yeeye sivalamumanya kandi mba.

Tsing'ano 11:10

Lidaala linene liveeye nu vusangali lwa vandu vaveeye vasuuvirifu vanyoola ingavi. Navuzwa lwumundu muchamu akuzaa, koveeye nisango yovuyaanzi.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Ezekieli 25:6

“Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.