Ayubu 27:2 - KITABU KITAKATIFU

² Nzisuha ku Nyasaye Wuvunyali oveeye mwoyo, usulaa inzi mburi konyoora likalagirwa liange lirungi, kandi alombaa livamwoyo liange lilulu!

Ayubu 27:2 Iomraidhean Croise

2 Samweli 2:27

Joabu yativura “Nzisuha ku Nyasaye oveeye mwoyo, ndi, ulavula komoloma, avandu vange vakazizagiliyi kukukunga kuduuka mugambazuri.”

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:15

Elija yativura, “Ngusuuvirizaa ku Yahova wa mahi oveeye mwoyo, wa inzi ndumikiraa ndi, inzi mwene ndiimanyia ku mwami Ahabu kalunu.”

2 Avami 4:27

navuzwa lwa yaza ku Elisha, yinama imbiri weve nagumira ku virenge vivie. Gehazi yaali ahimbi kumusuunda ihale, navuzwa Elisha yavoola, “Leka ave. Siunyala kolola aveeye no vovereri vonene ligali? Na Yahova uvuli kombolera kindu choosi.”

Ayubu 10:3

Gaveeye vulahi ku ivi kuundambiza, nukuchaya mundu wa umali kolomba kandi nukuyaanzilila lilohiza lia vandu vachamu?

Ayubu 16:11

Nyasaye umali kumbika imbiri wa vandu vatamumanyi, kandi kumbika mu makono ga vandu vachamu.

Ayubu 19:6

mumanye ndi Nyasaye ongoleeye vudamanu, kandi yaandegi nu mutego gwigwe.

Ayubu 23:16

Nyasaye umali kokora mwoyo gwange kuvunika, Wuvunyali utihiizi inzi.

Ayubu 34:5

Kigira Ayubu avoora, “Inzi mbeeye vugira imbara, kandi Nyasaye wambakani kumba vulungi vwange.

Ayubu 35:2

“Uganagana likuva yili nililungi? Ivi ovola, ‘Oveeye mulungi imbiri wa Nyasaye.’ ”

Ayubu 40:8

Unyala kali kumbika mu vudamanu? Unyala kungaragira kuva muhioli ku uduuki kwekola mulungi?

Ayubu 9:17

Nyasaye yakanduvaganyi ni ikiihi, nokomeda zing'oma ziange vugira kivuni.

Ayubu 9:18

Siyakandeki mbeerane mwika kali hakuzu mba, navuzwa livamwoyo liange lizuuyi uvusaliri vululu ligali.

Isaya 40:27

O, munyi avandu va Isiraeli, kigira ki mwiliriraa ndi Yahova siamanyi uvudinyu vwinyu mba, kandi siahendaa mwoyo lwa muvura konyoora likalaga lirungi mba?

Jeremia 12:16

Niiva valavugilira idini yavandu vange nu mwoyo mulala nukwisuha, ‘Kuli Yahova aveeye mwoyo’ - kuli mulitanga vigiza avandu vange kwisuha ku Baali - lwene yilwo valakave avalala kuavandu vange kandi valakagasizwi.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Livalidza 14:21

Navuzwa ndagaa ndi, ligali kuli inzi mbeeye Yahova omenya, kandi ligali kuli uvukumi vwange vwizuyi mu lirova liosi,

Ruth 3:13

Ogone hano vudiku vwa lero, navuzwa mugamba, kulamanya naava naanyala kokora ku ivi agadukanaa winyumba ya himbi akole, aheene yaho inzi ndakokolera, kuli Yahova aveeye mwoyo. Gona hano kuduuka mugamba.”

1 Samweli 14:39

Musuuviriza munyi ku lieta lia Yahova oveeye mwoyo, ohezaa vandu va Isiraeli liguuta, ndi umuhioli oyo aliitwa, kali yava naveeye muyaayi wange Jonazani.” Navuzwa sihaali numulala wavoola kindu.

1 Samweli 14:45

Navuzwa vandu vavoolera Saolo, “Jonazani umali koletera Isiraeli liguuta linene, anyala ndi kwitwa? Awa! Kwisuuhaa mu lieta lia Yahova oveeye mwoyo ndi Jonazani sialagotiza liisu kali lilala ku mutwi gwigwe mba. Chakoli kalunu, kekoleeywe novokonyi vwa Nyasaye.” Kunangwa avandu vaahonyia Jonazani kutura mu liitwa.

1 Samweli 20:21

ma nambolere mutumikiri wange azie kujenya. Niiva ndamuvolera, ‘Henza, mivano juvuta jiveeye lovega lulwo yilu, jileete hano’, yilio liveeye kovora ndi oveeye ni mirembe na unyala kutura ichova. Nzisuha ku Yahova oveeye mwoyo ndi siulava mu vuhimwa vwosi mba.

1 Samweli 25:26

Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.

1 Samweli 25:34

Yahova umali kungaya mburi kukusaliriza. Navuzwa nzisuuhaa mu lieta lia Nyasaye oveeye mwoyo wa Isiraeli ndi ivi ulavula kokora vwangu kuuza kunzaganira, ngano vwali vuchezange vuzwa na vandu va Nabali vosi nivamali kukuza.”