Ayubu 25:2 - KITABU KITAKATIFU

² “Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

Ayubu 25:2 Iomraidhean Croise

Ayubu 16:19

Kali kalunu ndi, mulolekizi wange aveeye mwigulu, kandi anyala kumolomera nu kukinga inzi.

Ayubu 25:1

Maku Bilidadi kutura mu kivala cha Shuha yativura,

Ayubu 31:2

Amadanyi gange kutura ku Nyasaye oveeye igulu ligali gaveeye ki? Mitungu jange kutura ku Wuvunyali wu mwigulu giveeye ki?

Ayubu 36:22

“Wizulizi kuli ovonene vwi zinguru zia Nyasaye voveeye; Aveeye mwigizi munene kuvoosi.

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Ayubu 37:23

Nyasaye Wuvunyali siaveeye wakunyala kuduukila mba, siakudambizaa mu likalaga lilie lirungi mba.

Ayubu 42:2

“Inzi manya ndi ivi, Yahova oveeye ni zinguru ligali, ivi unyala kokora vindu viosi viawenyaa.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 76:8

Ivi walomba likalaga liilio limanyikane kutura mwigulu; vosi avamenyi ku lirova vaali nuvuti vonene kandi vachiring'ana ligali.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Matayo 5:9

“Vaveeye nuvugasu avalombi vimirembe, kigira valalangwa avana va Nyasaye.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Yudasi 1:25

uyu oveeye Nyasaye yenyine Omuhonyi wiitu mu Mwami wiitu Yeso Kristo, vove kuye uvukumi, ovonene, ni zinguru nu vunyali kutura zing'inga ziosi ziavita, kandi kalunu, kandi kuduuka imihiga ni mihiga. Amini.

Likunula 6:16

Navo vavoolera ivigulu yivi na amagina yago, “Kugwiri kandi mukuvisi kutura mu zimoni zia uyu wikaye kondeve yu uvwami kandi kutura ku uvutima vwu Mwana wi Ligondi!