Ayubu 24:5 - KITABU KITAKATIFU

⁵ Kunangwa, avadaka venyeleriza viukulia mwigendanyama umwumu kuli zisukiri ziumuvulimu, navuzwa sihaveeye ho na havundu handi hoosi havanyala konyoora viukulia via avana vaavo mba.

Ayubu 24:5 Iomraidhean Croise

Litanga 16:12

Navuzwa mwana woovo alamenya kuli ibunda yu muvulimu; alalwana vuli mundu woosi, kandi vuli mundu woosi alamulwaana. Alamenya yeng'ine kutura ku viko veve vosi.”

Litanga 27:40

Ivi ulanyora lilia kigira vulwani, kandi ulatumikira amwavo vovo; Navuzwa niiva ulibaala kuye, ulavukana naye nukuzia ihale.”

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 24:14

Mulumindi avukaa mu mavwevwe aduuki kwiita avadaka na avadambi; kandi yivaa vudiku.

Ayubu 24:6

Avandu yava kuduuka vagese vuswage mu milimi jitaveeye jaavo mba, kandi vaagura mazabibu mu milimi ja avandu vadamanu.

Ayubu 5:5

Avandu viinzala valalia ligesa lia vasiru, kali valavugula vuswage vuvilukiraa hagati ha mafwa; kandi avuvuluhu valakendekera vutugi vwivwe.

Zaburi 104:23

Maku avandu vaturaa kuzia ku miyinzi jaavo, kandi vazizagilira kuyinzira kuduuka hamugorova.

Tsing'ano 4:16

Vandu vachamu sivanyala kogona nivatakoli kindu kidamanu mba. Vagona nivahenza kuduuka lwa vasaliriza mundu.

Jeremia 2:24

Muveeye kuli isukiri yu muvulimu inyagura mwigendanyama, lwa eveeye mulienya kutumwa eheranaa mwika kuli imbuza! Nivwaha unyala kugigaya kutura ku lienya liu muviri gwayo? Isaza yoosi eveeye ni lienya nayo, si ilanyangana mba. Isukiri yiyi ilanyooleka ing'inga yoosi ya yenya kutuma.

Hosea 7:6

Yee, vahiiza kuli mahiga mulilohiza liavo liumuvwivisu. Vutima vwavo vwaka uvudiku vwosi, kandi mugamba gwalonda ku gwang'ereng'ana kuli lomemo liumuliru.

Hosea 8:9

Avandu va Isiraeli vavoyavoya veng'ine kandi vaveeye kuli zihiiri zindi kandi kuli zibunda ziu muvulimu. Vamali kuzia nukwenya vokonyi kutura ku avandu va Asiria, kandi vamali kutunga zihiiri zindi kunangwa zivakingi.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Vikolwa 23:12

Lwa vwacha, Avayuda vavugana harara nivalohiza kuli vita Paolo. Visuuhizana nivavoora ndi, “Sikunyala kulia anoho kunwa niiva kukikiri kwita Paolo mba.”