Ayubu 23:13 - KITABU KITAKATIFU

¹³ Nyasaye sianyala kugirung'ana mba, kandi siaveeye ho nu mundu unyala kuhing'ana naye mba, anoho siaveeye ho mundu unyala kumugaya kokora agalaliraa kokora mba.

Ayubu 23:13 Iomraidhean Croise

Ayubu 10:13

Navuzwa kalunu manyirizi ligali ndi, ku ing'inga yiyi yoosi, walohiza mu vwivisu kusaliriza.

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Ayubu 11:10

Niiva Nyasaye avitira hagati, nokokovoha muvuhambe, na akuhile mu likalagirwa, nivwaha unyala kumwigalira?

Ayubu 12:14

Niiva Nyasaye alasambula, siaveeyeho nu mundu unyala kwumbaka kandi mba, niiva alaviika mundu mu vuhambe, siaveeye nu unyala kumutuliza mba.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Ayubu 23:14

Nyasaye alatwekiza agaamali kondovolera; kandi lilohiza yili liveeye lilala ku manyingi aga aveeye nago.

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Zaburi 115:3

Nyasaye wiitu aveeye mwigulu; akolaa choosi cha alalira.

Zaburi 135:6

Yahova akolaa cha yaanza mwigulu kandi ku lirova; mu zinyanza kandi hasi mu luliva.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Kohelethu 1:15

Siunyala kulungikiza kindu chavedeka, kandi siunyala kuvaliza vindu vitaveeyeho mba.

Kohelethu 3:14

Manyi ndi kindu choosi cha Nyasaye akolaa kilahindira mihiga ni mihiga. Siunyala komeedaku kindu choosi, anoho siunyala kutulizaku kindu choosi mba. Kandi kindu kilala cha Nyasaye akolaa nokokola kunyi kusingila imbiri weve nu kumutia.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Isaya 46:11

Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Varumi 9:19

Mulala ku munyi alandeeva, “Niiva gaveeye ndio, kigira ki Nyasaye yenyeleriza amahiolo mu vandu? Nivwaha unyala kuhingila uvulaliri vwa Nyasaye?”

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.