Ayubu 23:11 - KITABU KITAKATIFU

¹¹ Virenge viange vigenda mu zinduvatiru zizie, mali kugumira ligali inzira yeeye, kandi si nyara kuzia halovega mba.

Ayubu 23:11 Iomraidhean Croise

Ayubu 10:7

Ivi umanyi ndi singoli kindu kidamanu mba, kandi siaveeye ho nu mundu kali mulala unyala kombonyia kutura ku ivi mba?

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 31:7

Niiva ndagirung'ana kutura kunzira inungi, na umwoyo gwange niguva nigolonda liegomba lie zimoni ziange, kandi niiva ngoleywi mumwamu ku likora uvwoni,

Ayubu 6:10

Niiva Nyasaye yakakoli ndio, ndakaveeye ni lileminywa mwoyo; kali niiva ndakaveeye nilizuunwa linene mu muviri gwange, Mbeeye ni limanya ndi Nyasaye aveeye mutakatifu; kandi ngikiri kuhing'ana ku na malago geege mba.

Zaburi 119:51

Avandu vuluyayi vaandegeriza kazozo, navuzwa si ndaaleka amalago googo mba.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Zaburi 17:5

Mali kogenda kuzinzira zizio kazozo, kandi ngikiri kuzia halovega kutura kuzio mba.

Zaburi 36:3

Amakuva geege gaveeye amachamu kandi gu vugadi, siakolaa agovogeri mba, anoho amalahi mba.

Zaburi 44:18

Kunyi sikwavula kuva avasuuvirifu ku ivi mba, anoho sikwavula kuhulira amalago googo mba.

Zaburi 44:19

Navuzwa wakoleka hagati hi zinyama ziu mwigendanyama, kandi wakukunika ni chiriri chi likuza.

Tsing'ano 4:5

Onyoore ovogeri kandi limanya liu musi linyingi, utivilira anoho kusuura gambolaa mba.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.