Ayubu 22:13 - KITABU KITAKATIFU

¹³ Kunangwa ivi ovola, ‘Nyasaye amanyi kindu ki? Aveeye unyala kuhaana likalaga kuvitira mu kisundi kenene?

Ayubu 22:13 Iomraidhean Croise

Ayubu 34:22

Sihaveeye ho ni kisundi kenene ligali, anoho ichiriri kimwamu ligali, uwa avakoli vuvudamanu vanyara kwivisa mba.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 139:11

Niiva ndakateevi kisundi kinguniki, anoho uvulavu vungumbilizaa, vugirung'ane vugwi uvudiku;

Zaburi 139:7

Nyara kuzia haliha kwiruka kutura ku ivi? Nyara kuzia haliha nduli imbiri woovo?

Zaburi 59:7

Huliriza ku amanyego ni litihiza liavo. Amakuva gaavo gaveeye kuli vivavi viugi mu minwa jaavo, navuzwa vaganagana ndi mundu siavahuliraa mba.

Zaburi 64:5

Vazuvana aveene na vene mu lilohiza liavo kokora uvudamanu; vavoleranaa harara aha vaviika mitego jaavo vavoola, “Siaveeye ho nunyala kulola mba.”

Zaburi 73:11

Avandu vadamanu vavoola ndi, “Nyasaye siunyala kumanya mba; Nyasaye oveeye igulu ligali sianyala kumanya aga kokoraa mba.”

Isaya 29:15

O, vayaayi, kivi keveeye ku munyi, avavisaa lienya liavo ku Yahova! Vakora gaveenya mu kisundi ma vaganagana ndi siaveeyeho numulala unyala kuvalola anoho kumanya agavakola mba.

Jeremia 23:24

Siaveeyeho nu umundu unyala kwivisa hanyala kuvula kumulora mba. Simumanyi inzi mbeeye havundu hoosi mwigulu kandi kulirova?

Ezekieli 8:12

Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Amosi 9:2

Kali niiva valayava hasi kuduuka mu kihadisi ndavagumira. Kali niiva valanina kuduuka mwigulu, ndavilanyia hasi.

Amosi 9:3

Kali niviivisa igulu kondongozi yi kiguru cha Karimeli, ndavenyeleriza kuduuka mbagumiri. Kali ni vivisa hasi mu luliva lwi inyanza kutura ku inzi, ndalaga ogoyoka gonene gwu mu inyanza kuvaluma.

Zefania 1:12

“Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.