Ayubu 21:26 - KITABU KITAKATIFU

²⁶ Navuzwa, vosi vakuza nokoteevwa mu vilindwa; vosi vakunikwa ni zing'ende.

Ayubu 21:26 Iomraidhean Croise

Ayubu 17:14

Ndavolera kilindwa ndi, ivi oveeye kuli baba wange, kandi ndaavolera zing'ende ziliizaa inzi ndi, “Ivi oveeye mama wange na mbozo wange.”

Ayubu 19:26

Na inyima wi ligodo liu muviri gwange limali kwononywa nuvulwaye, Ndakalole Nyasaye moni na moni ningikiri mu muviri yigu.

Ayubu 20:11

Vigumba vivie vizuyi zinguru zio vosooleri, navuzwa viosi vilagona mu luguchi harara naye.

Ayubu 21:25

Avandi vakuzanga mu vuzunu vonene mu mioyo, nivakikiri kuzazama ku kindu kilahi mba.

Ayubu 21:27

“Heenzi! Inzi manyi vulahi zing'anagani zienyu ziosi, kandi lilohiza lienyu liokongolera uvudamanu.

Ayubu 24:20

Kali avamama vaavo sivalamwizuliza kalunu mba. Valaliivwa ni zing'ende, kandi valononywa kuli misaala jimali kugwa hasi.

Ayubu 3:13

Ndava nindakuza, ngano mbeeye mu lisosa kalunu.

Zaburi 49:14

Vakalagirwa vakuzi kuli magondi, na likuza lilavahila kuli mwayi ahilaa amagondi geege; valiika vwangu mu kilindwa mulala sa mulala. Miviri jaavo jilagundira mu vilindwa, kihadisi kilava ovomenyo vwavo mihiga ni mihiga kutura yengo wavo.

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Isaya 14:11

Ivi Waali ni wahevwa luyali ligali harara ni zinyimbu ziuvukana zia wimbaa, navuzwa kalunu oveeye harara ni kunyi mu kihadisi. Ogoni ku kidali chi zing'ende kandi umali kukunikwa nu muling'eti gwi zing'ende.’