Ayubu 2:10 - KITABU KITAKATIFU

¹⁰ Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Ayubu 2:10 Iomraidhean Croise

Litanga 3:17

Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia.

2 Samweli 13:13

Galava ndi ku inzi? Ndatuliza ndi zisoni ziange. Na ku ivi, galava ndi, ulava mulala ku avasiru vadamanu mu Isiraeli. Moloma nu mwami. Sialanzigalira mburi koleetwa nivi mba.”

2 Samweli 19:22

Navuzwa Daudi yavolera Abishai na amwavo weve Joabu, “Nivwaha oteevi ahevwe zing'anagani zienyu, munyi avayaayi va Zeruya? Lidiku linu, mumali kugwa avasigu vange! Inzi oveeye mwami wa Isiraeli kalunu, na Umuisiraeli mwosi kali mulala sialiitwa lidiku lia lero mba.”

2 Samweli 19:28

Avandu vinyumba ya guuga wange vosi vaduukana ukwitwa, navuzwa ivi wamba uvunyali ukulia komesa yooyo. Simbeeye nuvulungi koteeva ngolerwe uvugasu vundi kutura ku Mwami wuluyali wange mba.”

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ayubu 1:10

Ivi siwamwevera lugaga ludinyu harara na vandu avinyumba yeeye kandi ni miandu josi ja aveeye nacio? Ivi wamala kugasiza viosi viakolaa kandi imiandu jijie jimali kwizura mu kivala choosi.

Ayubu 2:9

Hene yaho, mukali weve yamuvolera, “Ivi kuduuka lero ukikiri musuuvirifu ku Nyasaye kuli kazozo? Umunyege ligali, ma ukuzi.”

Zaburi 39:1

Inzi ndavoora, “Ndilinda mu zinzira ziange ziosi, kandi sindakola uvwoni kali hakuzu mba. Sindavoola kindu kali kilala imbiri wa vandu vadamanu mba.”

Zaburi 39:10

Utahaana amageri ku inzi kandi mba, kigira mbeeye ahimbi kukuza kuturana na amageri ga ombezaa.

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 59:12

Uvwoni voveeye ku minwa jaavo; amakuva gaavo gaveeye vuzwa aguvwoni. Leka vagumirwi mu liegingira liavo! Na kigira valama kandi vavehaa,

Tsing'ano 9:13

Mukali musiru akubaa vuzwa liyoga kandi siaveeye ni zisoni mba.

Tsing'ano 9:6

Muleke muganda gwa vandu avasiru, na mulamenya. Mulonde kunzira yilimanya.”

Kohelethu 7:14

Lwi vindu viveeye vilahi ku ivi usangale, navuzwa lwu vudinyu vuzaa ku ivi wizulizi ndi Nyasaye aletaa vusangali kandi vudinyu. Mundu sianyala kumanya kindu kizizaa kwekoleka mu madiku gaaza mba.

Lisyoma lya Jeremia 3:37

Nivwaha unyala kulaga ma chekoleke niiva Yahova sialagi?

Matayo 16:23

Navuzwa Yeso yikivuka navolera Petero, “Tula ku inzi Setani! Oveeye chu kwikigitariza ku inzi. Zing'anagani zizio si ziveeye zia Nyasaye, nitali ni zia avandu!”

Matayo 25:2

Vatano kuvo vaali avasiru, na vatano vandi vaali avageri.

Yohana 18:11

Yeso yavolera Petero, “Yiranyia kivavi mu lwula. Uganaganaa inzi mburi kunwa kekombe chu vusaliri cha Baba wange yamba? ”

Varumi 12:12

Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”