Ayubu 17:8 - KITABU KITAKATIFU

⁸ Yavo avaganaganaa vaveeye avasuuvirifu, vaveeye ni ligenya, kandi vangalagira kuli utaatia Nyasaye.

Ayubu 17:8 Iomraidhean Croise

Ezara 9:3

Lwa ndaahulira yaga, ndaatandura zinguvu ziange kandi nimanyula liisu kandi zinderu ziange kandi ninzikala hasi muligenya kandi muvovereri vonene ligali.

Ayubu 22:19

Avandu valungi vasaangala kandi avandu vatali nimbara vaasekaa, lwa Nyasaye ahaanaa mageri ku avandu avachamu.

Ayubu 34:30

Kandi mundu utaveeye wa Nyasaye, sianyala kwamiiha mba. Kandi atatega avandu mba.

Zaburi 37:1

Utahenda mwoyo kigira yavo avakolaa uvudamanu mba; anoho utakendekera yavo avakolaa uvudamanu mba.

Zaburi 73:3

lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Habakuk 1:13

Navuzwa ivi unyala kuhulirizana ndi na vandu vaveeye vagadi kandi vadamanu kuli yava? Ivi oveeye mutakatifu ligali kolola vudamanu, kandi wikuziraa kolola vandu ni vakora vudamanu. Kigira ki ukiring'anaa lwa vandu yava vadiviza vandu vovo avaveeye valungi ligali kuvita yavo.

Vikolwa 13:46

Navuzwa Paolo na Baranaba vamoloma nu vuluviliri vonene, nivavoora, “Liali linigwa likuva lia Nyasaye litange kuduuka ku munyi; navuzwa, kigira mulisuuyi, nu kwelola simuduukana ni livamwoyo litahera mba, heenzi, kunyi koleka munyi nu kuzia ku avandu vi Zihiiri zindi.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!