Ayubu 16:4 - KITABU KITAKATIFU

⁴ Niiva munyi mwakaveeye inzi, na inzi niiva ndakaveeye munyi, ndakavooye makuva goosi ga munyi muvooraa ku inzi. Ngano ndakamuvooleye makuva gokogenyia nu kuzizagilira kumusung'usira mutwi gwange.

Ayubu 16:4 Iomraidhean Croise

2 Avami 19:21

Yili nilio likuva lia Yahova amali komoloma kigira oyo: “Lidaala linene lia Jerusalemi likosekelizaa kandi likuchayaa, ivi Senakeribu.

Ayubu 11:2

Makuva yaga ganyala kuvaho vugira kutivulirwa kindu? Kandi mundu oveeye ni limoloma linyingi anyala kovoolwa aveeye mulungi?

Ayubu 16:5

Ngano ndakavadinyirizi na makuva gange, nu kuvaleminya mioyo.

Ayubu 35:16

Ayubu yamoloma makuva gataveeye nikivuni, yameda vuzwa makuva vugira limanya.”

Ayubu 6:14

Uyu usulaa kovererera mulina weve, siatizaa Nyasaye Wuvunyali mba.

Zaburi 109:25

Lwa vandu vandora, vasekeriza; Lwa vambeenzaa vasekeriza; vasung'usa mitwi jaavo mu lingolera kehenyahenye.

Zaburi 22:7

Vosi avaandolaa vaangolera kehenyahenye; Vaangunukiraa nukuusungusira mitwi.

Zaburi 22:8

Vavoola, “Ivi wasuuvira Yahova, kigira ki atakohonyia? Niiva Yahova akuyaanzaa, kigira ki atakokoonya?”

Zaburi 44:14

Ivi okokoli lichaywa hagati hi zihiiri; va kusungusiraa mitwi jaavo mu likosekeliza.

Tsing'ano 10:19

Limoloma linyingi liletaa mahiolo, navuzwa niiva oveeye mugeri ulachiring'ana.

Kohelethu 10:14

Mundu musiru amolomaa makuva manyingi ga vuzwa. Siaveeyeho nu mundu unyala kumanya kizizaa kwekoleka mba, kandi sihaveeyeho nu mundu unyala kokovoolera kindu chaza chekoleke ni kwakakuza mba.

Isaya 37:22

Yahova umali kovora, “Lidaala linene lia Jerusalemi likosekeleraa, ivi Senakeribu, kandi likolegerizaa. Jerusalemi lidaala linene likusung'usilaa mutwi gwalio.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Matayo 7:12

“Kulwa yaga, mukolere avandi viosi via mwenya yavo vamukolere. Yili nilio livoora lie Lilaga lia Musa na amigizu ga avaporofeti.

Varumi 12:15

Musangare harara na yavo avasangalaa, musiome harara na yavo avasioma.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.