Ayubu 16:21 - KITABU KITAKATIFU

²¹ Ndakayanzi mundu yangoonyere ku Nyasaye, kuli mundu agoonyeraa mulina weve.

Ayubu 16:21 Iomraidhean Croise

Ayubu 13:22

O, Nyasaye, yaanza umolome na inzi, na ndakutivulira; anoho yaanza oleke molome na ivi undivuliri.

Ayubu 13:3

Navuzwa inzi ndakayanzi kovolerana na Nyasaye Wuvunyali, kandi ndakayanzi kuhaana vivuni viange kuye.

Ayubu 16:20

Avalina vange vaasekeriza, kandi ndiraa maliga ku Nyasaye.

Ayubu 16:22

Mihiga jange jivitaa, ndazia kunzira ya ndakavuli kwirana ku kandi mba.

Ayubu 31:35

O, vwakaveeye vulahi alavaho nu mundu mulala wu kumbuliriza! Nguyu mbikaa muhuri gwange ku livoora liange! Leka Nyasaye Wuvunyali andivuliri! O, vwakaveeye vulahi umusigu wange alang'oda mayaalo gege ku inzi.

Kohelethu 6:10

Vuli kindu choosi chekoleka chaali ni chalohizwa kale, kandi kumanyi vulahi ndi mundu sianyala kuhangala nu mundu oveeye ni zinguru kumuvita mba.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”