Ayubu 16:19 - KITABU KITAKATIFU

¹⁹ Kali kalunu ndi, mulolekizi wange aveeye mwigulu, kandi anyala kumolomera nu kukinga inzi.

Ayubu 16:19 Iomraidhean Croise

Litanga 31:50

Labani yaazizagilira kovora, “Niiva alakolera vakana vange vudamanu anoho oleete vakali vandi komeeda ku vakana vange, kali niiva sindavula kumanya, wizulizi ndi Nyasaye aveeye muloli hagati hiitu.

Ayubu 16:18

O, Munyi avandu vi lirova, mutavisa vudamanu vwange mba! Kandi mutaleka lianira liange lie likalaga lirungi livuli kuhulilika mba!

Ayubu 19:25

Inzi manya ndi muhonyi wange aveeye mwoyo, alaza lwukumaliriza kung'inga.

Ayubu 25:2

“Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

Ayubu 31:2

Amadanyi gange kutura ku Nyasaye oveeye igulu ligali gaveeye ki? Mitungu jange kutura ku Wuvunyali wu mwigulu giveeye ki?

Zaburi 113:5

Si haali numulala kuli Yahova Nyasaye wiitu. Amenyaa igulu mwigulu,

Zaburi 148:1

Mwizominye Yahova! Mwizominye Yahova kutura mwigulu, munyi avamenyaa igulu ligali kuvita.

Zaburi 89:37

Uvwami vwa Daudi vulasingilizwa kuli umweli vuladinyirizwa ku ing'inga yi ligulu lihindira.”

Varumi 1:9

Nyasaye wa inzi ndumikiraa numwoyo gwange gwosi mu Iilwaza Ivangeri yu Mwana weve, aveeye mulolekizi wange ku gambolaa kigira gaveeye giligali. Nyasaye amanyi vulahi ndi inzi nzizuliza munyi vuli kazozo.

Varumi 9:1

Inzi mboraa agiligali; simbehaa mba. Kigira mbeeye wa Kristo, zing'anagani ziange niziamiifwa na Roho Mutakatifu, kandi zisuuviriza ndi simbehaa mba.

2 Vakorintho 1:23

Inzi nangaa Nyasaye kuva muloli wange, yamanya mwoyo gwange! Ndaatovora mburi kuuza Korinzo kunangwa mburi kumuletera vudinyu.

2 Vakorintho 11:31

Nyasaye Baba wu Mwami Yeso Kristo, amanyi ndi simbehaa mba, lieta lilie lizominywi mihiga ni mihiga.

Vafilipi 1:8

Nyasaye aveeye mulolekizi wange ndi mboraa agiligali, lwambolaa ndi vuyanzi vwange ligali ku munyi mwosi vuturaa ku Kristo Yeso.

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

1 Vatesalonike 2:5

Munyi mumanyi vulahi ndi sikwaza ku munyi na makuva guvugadi vwu kwiyizominya, anoho sikwatumikira amakuva gu kukinga vudamanu vwitu mba: Nyasaye aveeye muloli wiitu.

1 Samweli 12:5

Samweli yavavolera, “Yahova kandi mwami wamali kotovola vaveeye avaloli lidiku lia lero ndi munyi si munyooye nimbara mba.” Vativura nivavoola, “Yee, Yahova aveeye muloli wiitu.”