Ayubu 15:5 - KITABU KITAKATIFU

⁵ Munwa gugwo guveeye na makuva gu vuchamu, na lulimi lulwo lovoolaa makuva gu vugadi.

Ayubu 15:5 Iomraidhean Croise

Ayubu 11:6

Akuvuulira ndi ziveeye ho ni zinzira zinyingi zio konyoora ovogeri, viveeye ho ni vindu viu mundu anyala kuvula kumanya novogeri vwivwe. Maku umanye ndi, Nyasaye akohezaa mageri makekeeke kuvita ga mahiolo googo gaduukanaa onyoore.

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 15:4

Navuzwa ogerizaa kuvula kutia Nyasaye, kandi wigalira avandu kuvula kumusigamira.

Ayubu 22:5

Uvudamanu vuvwo sivoveeye ovonene ligali? Sihaveeye nekeheri ku uvuchamu vuvwo mba.

Ayubu 32:1

Kunangwa avandu vavaga yavo: Elifazi, Bilidadi na Sofari valekera litivulira Ayubu, kigira Ayubu yalora ndi yaali mulungi.

Ayubu 32:2

Navuzwa Elihu, muyaayi wa Barakeli kisukururwi cha Buzi, uwinyumba ya Ramu, yaali nu vutima na Ayubu ligali kigira Ayubu yekola kuva mulungi, nukudura Nyasaye.

Ayubu 5:12

Yononyia, lilohiza lia avagaadi, kunangwa vavuli kuduukiza agavasaavira kokora.

Ayubu 5:13

Agumiraa avageri mu vogeri vwavo; Kandi agayaa lilohiza liavo liu vugadi ma lihelizwa vwangu.

Zaburi 64:3

Vahiagalaa zinimi ziavo kuli vivavi, valasaa makuva malulu kuli mivano juvuta.

Jeremia 9:8

Zinimi ziavo ziveeye kuli mivano juvuta; zivoolaa ovovehi vuli ing'inga. Vuli mundu amolomaa amang'ana malahi kumutende weve, navuzwa mugiligali amutegaa mutego.

Luka 6:45

Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Yakobo 1:26

Niiva umundu yiganagana aveeye wi lisuuvira, naye natalinda makuva geege, yigadaa mwene, lisuuvira liu mundu uyu ni liavuzwa.