Ayubu 15:30 - KITABU KITAKATIFU

³⁰ kandi si alahononoka kutura mu kisundi mba; alava kuli musaala gwi zisia zitemangwa ma ziviikwa mu muliru ma ziaduka, na Nyasaye alamuhuuza nu vukindu kuli kimuli na alatulaho.

Ayubu 15:30 Iomraidhean Croise

Ayubu 15:22

Mundu uyu siaveeye ni lisuuvira ndi alahona kutura mu vudinyu vwi kisundi mba, kandi kivavi keveeye havundu kimulindaa ku mwita.

Ayubu 15:23

Zindizu zigendagenda nizihenza ziduuki konyoora muviri gwigwe zilie. Mundu uyu aveeye ni limanya ndi, madiku gi livamwoyo lilie gaveeye mu kisundi.

Ayubu 15:34

Muganda gwa vandu vatasuuviraa Nyasaye valakuza vugira visukululwi, kandi muliru gulasamba zinyumba ziumbakwa ni viambeti.

Ayubu 18:16

Mundu uyu alava kuli imiri ju musaala jumiraa musi mu marova, ni zisia ziagwo ziumira igulu.

Ayubu 18:18

Alakungwa kutura mu kivala cha vandu avaveeye mwoyo, kandi alakungwa kutura mu vulavu nu kuzia mu kisundi.

Ayubu 20:26

Kisundi kenene ligali kivikiywi kigira mavikiru geege; umuliru gutaahambizwa nu mundu gulamusamba ligali. Viosi iviatigala munyumba yeeye vilahia.

Ayubu 22:20

“Viosi via avachamu vaveeye navio vimali kudivizwa kandi muliru gumali kusamba vindu viosi viatigala.

Ayubu 31:12

Yaga galava kuli muliru gusambaa kuduuka ku lidiviza gulasamba viosi viambeeye navio.

Ayubu 4:9

Nyasaye, avadiviza nu mwika gwigwe gwu vutima. Kandi liatuluka liu vutima vwivwe vagotaa.

Ayubu 5:14

Kisundi kivakunikaa lwa voveeye mbasu, kandi vahavatizaa mbasu hagati kuli mu vudiku.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Hosea 6:5

Kunangwa inzi mali kutuma avaporofeti vange ku munyi na makuva gange kumukalagira kandi kumudiviza. Aga inzi nyenya kutura kumunyi ni yaga:

Matayo 22:13

Hene yaho mwami yavolera avatumikiri veve: ‘Muvohi amakono ni virenge, mu siuvi mu kisundi ichova. Uwene yeyo alalira nu kudiedieyiza amiinu.’ ”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 8:12

Navuzwa avaadukana vave mu Vwami yivwo valateevwa ichova mu kisundi. Wa valilira ni vadedeiza amiinu gaavo.”

2 Petro 2:17

Avandu yava vaveeye kuli vidaho vitaveeye na mazi, kuli amalesi gi kihuzuzi kihiraa; Nyasaye yavavikira ovomenyo mu vogo vwi kisundi kenene.

Yudasi 1:13

Avandu yavo vaveeye kuli iviguvuli vinene vie inyanza ivitiigalilangwa ni ivikolwa viavo vie zisoni vilolekaa kuli ulufulu. Vaveeye kuli zing'ereng'ani zivodong'ana nga, izia Nyasaye yavikira uvwiyangu mu kisundi mihiga ni mihiga.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.