Ayubu 14:1 - KITABU KITAKATIFU

¹ “Mundu wu mukali yivula, aveeye wa amadiku makekeeke, kandi yizuuye ikivi.

Ayubu 14:1 Iomraidhean Croise

Litanga 3:17

Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia.

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

2 Avami 4:19

Na yavolera baba weve “O, mutwi gwange, mutwi gwange gunduyaa!” Baba weve yavolera mutumikiri weve, “Mugiingi mumuhili ku mama weve.”

Ayubu 10:20

Madiku gi livamwoyo liange gaveeye gageehi? Ndeka mbe! Uleke sangaliri madiku gange gatigaye.

Ayubu 15:14

“Mundu woosi anyala kuva mulahi ligali? Anoho mundu anyala kuva mulungi imbiri wa Nyasaye?

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 25:5

Henza, kali umweli si goveeye mwaaku mba, kandi zing'ereng'ani si ziveeye zisiyiku imbiri wa Nyasaye mba.

Ayubu 5:7

Navuzwa mundu yiivulwa anyoore kivi kuli zisese ziumuliru ziduumaa igulu.

Ayubu 7:1

Livamwoyo liu mundu ku lirova liveeye kuli liyinzira liukuniga mu liihi, kandi liveeye kuli miyinzi midinyu jamakono.

Ayubu 7:6

Madiku gilivamwoyo liange livita vwangu ligali kuli kinaviru chu munavi. Kandi livamwoyo liange liduuki ku kiheri vugira lisuuvirizwa.

Ayubu 8:9

Livamwoyo lietu liveeye likekeeke, na sikumanyi kindu kali hakuzu; kuvitaa kuli chiriri ku lirova.

Ayubu 9:25

Kalunu madiku gi livamwoyo liange ganyagulaa zimbiru ligali vwangu, kuvita munyaguli. Girukaa ligali, sigalolaa uvulahi mba.

Zaburi 39:5

Ivi umali kwimbihiza livamwoyo liange. Madiku gi livamwoyo liange si galoleka kuva kindu imbiri woovo mba. Gaveeye agiligali ndi; vuli mundu aveeye vuzaa kuli umwika,

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Zaburi 51:5

Henza, Inzi mbeeye mudamanu kutura lidiku lia ndivulwa; inzi mbeeye mwoni kutura ing'inga ya ndaverekwa.

Zaburi 89:47

O, Yahova, wizulizi kuli madiku gi livamwoyo liange gaveeye amimbi, kandi wizulizi ndi ivi walomba kunyi kwosi kuva avandu vakuza.

Kohelethu 2:17

Kunangwa ndaduunyira livamwoyo, kigira kindu choosi chandaakola mu kivala, chandetera vovereri. Vindu viosi viveeye vuzwa. Goosi gaveeye vuzwa kuli kudidikana nokolonda imbuza.

Kohelethu 2:23

Madiku goosi gu mundu amenyi mu kivala, vuli kindu choosi chakolaa keletaa lihenda mwoyo kandi vuzunu. Kali vudiku, zing'anagani zizie si zisosaa mba. Yaga goosi gaveeye vuzwa.

Jeremia 20:18

Kigira ki ninzivulwa? Ndivulwa nyoore uvudinyu novovereri, nduuki ku keheri chi limenya liange liosi mu zisoni?

Matayo 11:11

Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana.