Ayubu 12:13 - KITABU KITAKATIFU

¹³ Nyasaye aveeye no vogeri kandi ni zinguru, kandi aveeye nilimanya lia amakuva gu kwideera.

Ayubu 12:13 Iomraidhean Croise

Ayubu 11:6

Akuvuulira ndi ziveeye ho ni zinzira zinyingi zio konyoora ovogeri, viveeye ho ni vindu viu mundu anyala kuvula kumanya novogeri vwivwe. Maku umanye ndi, Nyasaye akohezaa mageri makekeeke kuvita ga mahiolo googo gaduukanaa onyoore.

Ayubu 12:16

Nyasaye aveeye wi zinguru kandi wi liguuta, uyu ugadwa kandi umugadi, vombi vaveeye mu zinguru zizie.

Ayubu 26:12

Nyasaye nizinguru zizie yakiring'anyia inyanza; kandi yadiviza Rahabu mu ovogeri vwivwe.

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Ayubu 38:36

Nivwaha wavoolera ‘Ibisi’ wu mwigulu ndi mugera gwa Naili gwizuuyi? Kandi nivwaha wavoolera idaywa ndi imbura ilakuba?

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Tsing'ano 8:14

Ndohizaa miyinzi no kugikola mbeeye ni limanya, kandi nizinguru.

Isaya 31:2

Yahova amanyi agaakolaa, kandi aletaa ikivi ku avadamanu. Adukizaa litihiza lilie kandi ahaanaa mageri ku vadamanu na yavo avakingaa vadamanu.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Jeremia 10:12

Yahova yalomba lirova nizinguru zizie mwene; yalomba kivala novogeri vwivwe kandi navambura ligulu.

Danyeli 2:20

Yavoola, “Nyasaye aveeye mugeri kandi wizingulu. Kumwizominye mihiga ni mihiga.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Varumi 11:34

Kuli Mang'oda Matakatifu gavoora, “Nivwaha umanyi zing'anagani ziu Mwami? Nivwaha unyala kuva mulungikizi wi zing'anagani zizie?

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 1:8

zia yahaana ku kunyi kuvita kegero. Mu vogeri vwivwe vwosi kandi limanya,

Vakolosai 2:3

Kristo niyie uvula ovogeri vwosi kandi limanya lia Nyasaye.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.