Ayubu 11:13 - KITABU KITAKATIFU

¹³ Ayubu, nuuva nuwiganira mu mwoyo gugwo, ulanyiira makono googo ku Nyasaye.

Ayubu 11:13 Iomraidhean Croise

2 Kyetsinyinga 12:14

Yakola agaali madamanu imbiri wa Yahova, kigira si yageriza kwenyeleriza uvulariri vwa Yahova mba.

2 Kyetsinyinga 19:3

Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

Ayubu 15:12

Kigira ki zing'anagani zizio ziveeye ihale? Kandi kigira ki zimoni zizio zihenza ni liguniera?

Ayubu 22:23

Wirane ku Nyasaye Wuvunyali kandi wegehize kuye, kandi utulize uvudamanu vwosi munyumba yooyo.

Ayubu 22:27

Usaale kuye na alakuhulira; kandi uladukiza malagano googo naye.

Ayubu 5:17

Aveeye nuvugasu mundu oyo wa Nyasaye aheezaa mageri! Nandio utalegeriza lihaana mageri liu Wuvunyali mba.

Ayubu 5:8

Niiva ndakaveeye ivi Ayubu, ndakagirungani kuzia ku Nyasaye yangonye, nokuviika vudinyu vwange kuye.

Zaburi 143:6

Ng'ingaa amakono gange igulu mu lisaala ku ivi; mwoyo gwange goveeye nu vuluhu ku ivi, kuli lirova liveeye liumu vugira amazi.

Zaburi 68:31

Avanene valaza kutura Egebeti avandu va Ezopia valanyira makono gaavo mu lisaala ku Nyasaye.

Zaburi 77:2

Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 78:8

Sivalava kuli avaguuga vaavo mba, avandu vi liebaala kandi avatahuliraa; avi lisuuvira liavo mu Nyasaye siliali lidinyu kali hakuzu mba, kandi sivali avasuuvirifu kuye zing'inga ziosi.

Zaburi 88:9

Zimoni ziange zimali kozengera kigira ovovereri. O, Yahova, nzanira ku ivi vuli lidiku; ng'ingaa makono gange ku ivi mu lisaala.

Kutwula 9:29

Musa yamuvolera, “Nonoho lwa mba nindakatula mu lidaala linene linu, ndaginga amakono gange igulu mu lisaala ku Yahova. Lihiligana lie inguba kandi imbura ya magina vilalekera, kunangwa muduuki kumanya ndi lirova liveeye lia Yahova.

Lisyoma lya Jeremia 3:41

Gendi kuzie ku Nyasaye wu mwigulu ma kusaale kovoole:

Luka 12:47

“Navuzwa mutumikiri oyo umanyi uvulariri vwu Mwami weve, navuzwa siyetegeka anoho akole kuli Mwami yenya, oyo alanyoola likuywa linene ligali.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”