Ayubu 10:9 - KITABU KITAKATIFU

⁹ Wizulizi ndi ivi wanomba kutura ku madohi, kandi ulashonoranyia kunziranyia mu luguchi?

Ayubu 10:9 Iomraidhean Croise

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Ayubu 10:10

Kuli mundu alombaa zingonye zia maveere mu kimuga; ivi wanomba munda mwa mama wange.

Ayubu 17:14

Ndavolera kilindwa ndi, ivi oveeye kuli baba wange, kandi ndaavolera zing'ende ziliizaa inzi ndi, “Ivi oveeye mama wange na mbozo wange.”

Ayubu 33:6

Ivi harara ni inzi kufanana imbiri wa Nyasaye, kwombi kwalombwa kutura ku vodohi.

Ayubu 34:15

maku avandu vosi valakuza, na umundu naye alirana mu luguchi.

Ayubu 4:19

Muganaganaa alasuuvira kelombe chovodohi, kindu chalombwa kutura kuluguchi, ikinyala kuduvulanywa vuzwa kuvita esere?

Ayubu 7:21

Kigira ki uvuli kusamiiha mahiolo gange? Kandi kigira ki uvuli kutuliza ho uvudamanu vwange vwosi? Kalunu inzi ndakuza, na ulanyenya ligali, navuzwa siulandola kandi mba.

Ayubu 7:7

Wizulizi, O, Nyasaye, livamwoyo liange liveeye kuli mwika, emoni yange silalola uvulahi kandi mba.

Zaburi 103:14

Yahova amanya kuli kwalombwa; yamanya vulahi ndi kunyi kwalombwa kutura ku luguchi.

Zaburi 104:29

Lwa ugirung'ananga kutura kuvio vivezaa nu vuti ligali. Lwu utulizaa mwika gugwo kuvio vikuza ma virana ku luguchi kwa viatula.

Zaburi 106:4

Unzizulizi O, Yahova, lwa okonyaa avandu vovo; lwa ohonyia avandu vovo, umbalizi harara navo.

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Zaburi 25:18

Henza ku lidambizwa kandi lisalirizwa liange, na usamihi vwoni vwange vwosi.

Zaburi 78:39

Yizuliza ndi yava vaveeye vuzwa avandu avilikuza. Vaveeye vuzwa kuli mwika guhuzaa ma gogota vugira.

Zaburi 89:47

O, Yahova, wizulizi kuli madiku gi livamwoyo liange gaveeye amimbi, kandi wizulizi ndi ivi walomba kunyi kwosi kuva avandu vakuza.

Zaburi 90:3

Ivi ulaga mundu yirane ku luguchi, umugirung'anyiaa ukwirana ku luguchi ukwa yatura.

Kohelethu 12:7

Miviri jietu jilirana ku luguchi lwa marova kandi mwika gwi livamwoyo gulilana ku Nyasaye, waguhaana ku kunyi.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 18:6

“Mbeeye nuvunyari kokora kumunyi avandu va Isiraeli agumulongi yakola nilidohi? Munyi muveeye mumakono gange kuli lidohi liveeye mumakono gumulongi.

Varumi 9:21

Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.

2 Vakorintho 4:7

Navuzwa kunyi avakoveeye ni livikiru liu mu Roho yili, koveeye vuzwa kuli zinyingu zio vodohi, gaduuki kololeka havulavu ndi, zinguru zinene yizio zitulaa ku Nyasaye; sizitulaa ku kunyi mba.