Ayubu 1:8 - KITABU KITAKATIFU

⁸ Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Ayubu 1:8 Iomraidhean Croise

2 Avami 23:25

Sihaaliho nu mwami wundi kuli Josia ku maziambiri, watumikira Yahova nu mwoyo gwigwe gwosi, ni zing'anagani zizie ziosi, kandi ni zinguru zizie ziosi, kandi kuhulira Lilaga liosi lia Musa; sihaava ho nu mwami kuli uyu maziambiri mba.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 12:4

Kali avalina vange vaasekaa kalunu; kali niiva mbeeye mundu mulungi, utaveeye nimbara; navuzwa ing'inga yaali ho lwa Nyasaye yahaana amativuli ku lisaala liange.

Ayubu 2:1

Lwi lidiku liaduuka, zingelosi va Nyasaye vazia kwagana harara imbiri wa Yahova kandi, Setani yaliho hagati haavo.

Ayubu 2:3

Yahova yamuteeva, “Ololi ku mutumikiri wange Ayubu? Siaveeye ho numundu kali mulala ku kivala oveeye musuuvirifu kandi mulungi kuli Ayubu mba. Atizaa inzi, kandi yeleha kutura ku likora uvudamanu vwosi vwi lirova. Navuzwa akikiri vuzwa musuuvirifu kandi mulungi wange kali ivi nongoonyaa nguvugiliri umukuyi nukumudiviza ligali vugira kivuni choosi.”

Ayubu 34:14

Niiva Nyasaye alirana kuvugura roho weve, kandi niiva alirana kuvugura mwika gwigwe gwi livamwoyo,

Ayubu 8:20

“Ligali, Nyasaye sialaleka avasuuvirifu veve mba, kandi sialakonya avakolaa uvudamanu mba.

Zaburi 18:23

Yahova amanya ndi, inzi mbeeye vugira imbara, kandi ndayigaya ku likora uvwoni.

Zaburi 34:14

Aleke ku vudamanu na okole uvulahi, wenye mirembe nu mwoyo gugwo na ujilonde.

Zaburi 36:1

Avoni vaganagana uvudamanu musi mwi mioyo jaavo kazozo; vumulombaa avuli kuva ni liegehiza imbiri wa Nyasaye.

Zaburi 37:27

Utuli ku vudamanu vwi zing'ano ziosi, na okole uvulahi, na ndio ulamenya mihiga ni mihiga.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 89:20

Inzi mali kokora mutumikiri wange Daudi kuva mwami, mali kumuvaka amaguta matakatifu.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Livalidza 12:3

Musa yaali mundu muhooma ligali kuvita vandu vandi vosi mu lirova.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Joshua 1:2

Yavoola, “Mutumikiri wange Musa ukuzi Ivi harara na avandu vosi va Isiraeli, mwetegeke kalunu, mwambuki mugera gwa Jorodani nukwingira mu kivala cha muheezaa.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.