Ayubu 1:5 - KITABU KITAKATIFU

⁵ Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Ayubu 1:5 Iomraidhean Croise

Litanga 22:3

Mugambazuri kulidiku lilondaku Aburahamu yatema zingu zie kisiuviriru, yavika ku ibunda yeeye, kandi navugura Isaka harara na vatumikiri veve vaviri. Vataanga logendo kuzia havundu ha Nyasaye yaali namuvooleye.

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Litanga 8:20

Nuhu yumbakira Yahova uvwali. Yavugula inyama indala inifu ku vuli zinyama ziosi, kandi linyonyi lilala lilahi ku vuli amanyonyi goosi, ma nasambira ku vwali kuli kihanwa ku Yahova.

1 Avami 18:31

Elija yavugula amagina likomi na gaviri, lilala ku vuli ihiiri yi inyumba ya vayaayi va Yakobo wa Yahova yaali ni yagulika Isiraeli.

1 Avami 21:10

Nyooli vandu vadamanu vaviri vamuyaale imbiri wizimoni zizie kigira linyega Nyasaye kandi mwami. Hene yaho muvuguli mumuhile ichova wi lidaala linene na mumulase magina kuduuka akuzi.”

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Nehemia 12:30

Avandu va Levi harara na Avasaalisi vakora muruka gwi litakasa aveene, kandi kutakasa avandu, virivwa harara na madigi ga madaala manene.

Ayubu 1:11

Navuzwa niiva wakanyiyi mukono gugwo, nukudiviza nukuduya viosi via aveeye navio, alakonyega moni namoni.”

Ayubu 1:4

Avayaayi veve valomba uvufuuva vwukogenihizana mu lilia mu zinyumba ziavo, vuli mulala ku lidiku lilie; na vagenihizaa avakaana vaavo vavaga vaze kulia nukunwa harara navo.

Ayubu 2:9

Hene yaho, mukali weve yamuvolera, “Ivi kuduuka lero ukikiri musuuvirifu ku Nyasaye kuli kazozo? Umunyege ligali, ma ukuzi.”

Ayubu 27:10

Avadamanu vanyara kusangara imbiri wa Nyasaye Wanyala Viosi? Vanyara kwanira Nyasaye zing'inga ziosi?

Ayubu 41:25

Lwa ivuukaa kali vizingulu ligali vatihizwa ligali; viranaa inyima nukutimukwa engolo.

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Ayubu 6:14

Uyu usulaa kovererera mulina weve, siatizaa Nyasaye Wuvunyali mba.

Ayubu 8:4

Niiva avana vovo vayona imbiri weve, Nyasaye umali kuhaana amageri kuvo kolondekana nuvwoni vwavo.

Zaburi 5:3

Mugambazuri, uhuliraa mwoyo gwange, lwi liuva litongaa mbana lisaala liange ku ivi, nu kulindilira mativuli googo.

Kutwula 18:12

Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 24:5

Maku yatuma vasoleri ku avandu va Isiraeli, vasambiri Yahova visiuviliru vie zing'ombe kuva vihaanwa vie mirembe.

Kohelethu 9:10

Uyinziri vudinyu miyinzi josi jokolaa kigira si kilakave ho ne kekolwa, zing'anagani, limanya kandi vogeri mu kivala cha vakuzu mba. Wene yeyo ni yio wa uzizaa.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Ezekieli 14:14

Kali niiva vandu vavaga yava, Nuhu, Danieli na Ayubu vamenyi mu kivala yiki, valahona kigira uvulungi vwavo.” Yahova Wuvunyali umali kovora.

Luka 1:75

kunangwa kuduuki kuva avatakatifu kandi avalungi imbiri weve, mu madiku goosi gi livamwoyo lietu.

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

Yohana 11:55

Lisavo lia Avayuda lie Lipasaka liali ahimbi, na avandu vanyingi vazia Jerusalemi vaduuki kwitakasa aveene imbiri wi lisavo likikiri kuduuka.

Vikolwa 21:26

Kunangwa mugamba gwalondaku Paolo yavugula yavo, nalomba livugana liu kwitakasa harara navo. Maku niyingira mu Litembeli kovora makuva gi limala lia madiku gu kwitakasa, kandi zisadaka zihaanwa ku avandu vosi.

Vikolwa 8:22

Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Vafeso 6:18

Musaale zing'inga ziosi kuli Roho amwimilira; nimusavaa vokonyi ku Nyasaye, kigira yaga goosi mwetegeke kandi mutakuzi mioyo mba. Muhongere mu lisalira vandu va Nyasaye kazozo.

1 Samweli 16:5

Yativura, “Yee, nziizi kuhaana kisiuviriru ku Yahova. Mwitakase aveene kandi muuze harara niinzi.” Yavolera Jese harara na vayaayi veve vitakase, na vavoolera vaze ku kisiuviriru.