Ayubu 1:10 - KITABU KITAKATIFU

¹⁰ Ivi siwamwevera lugaga ludinyu harara na vandu avinyumba yeeye kandi ni miandu josi ja aveeye nacio? Ivi wamala kugasiza viosi viakolaa kandi imiandu jijie jimali kwizura mu kivala choosi.

Ayubu 1:10 Iomraidhean Croise

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 26:12

Isaka yamiiza vuguza mukivala yicho, kandi ku muhiga mulala mwere yigwo yagesa haali mia ku vwayaali niyamiiza, kigira Yahova yaali na mugasizi.

Litanga 30:30

Vikekeke via waali navio inzi ni ngikiri kuuza, viameedeka ligali, kandi hoosi handasena Yahova yakugasiza. Kalunu ing'inga imali kuduuka inzi kulinda avandu vinyumba yange.”

Litanga 30:43

Yakobo yagwa mutugi ligali munzira kuli yiyi. Yaali niviayo vinyingi, vatumikiri vakali na vasaza, zing'amia kandi zibunda.

Litanga 39:5

Kutura ing'inga yene yeyo, Yahova yagasiza inyumba ya Potifa, harara ni vindu viosi viali munyumba kandi mu mulimi. Yago goosi gakolekaa kigira Josefu.

Litanga 49:25

Nyasaye wa vaguuga vovo yakoonya ivi, Nyasaye Wuvunyali ugasizaa ivi nu vugasu vwi imbura kutura mu ligulu. Kandi agasizaa ivi na mazi gu mululiva lwi inyanza. Agasizaa ivi zinzivulu zinyingi zia vana nimitugu.

Ayubu 1:3

Yaali na magondi 7,000, zing'amia 3,000, zing'ombe ziukulima 1,000 kandi zibunda 500. Yaali kandi na vatumikiri vanyingi ligali. Yaali mutugi ligali kuvita vandu vandi vosi volovega lwi Ivugwi.

Ayubu 29:2

O, niiva ndakaveeye kuli mu mieli ja kale. Kandi kuli mu madiku lwa Nyasaye yaanindaa;

Ayubu 29:6

zing'ombe ziange kandi zimburi ziange ziahaana ku inzi maveere manyingi, kandi misaala ji mizabibu jahaana amaguta amanyingi.

Ayubu 31:25

Si ndasangara ku kigira miandu jange jiali minyingi mba, anoho sindaasangara ku kigira makono kange gaali ni ingavi mba.

Ayubu 42:12

Yahova yagasiza Ayubu mu keheri chi livamwoyo lilie kali kuvita lwa yaali ni yamugasiza mu litanga. Ayubu yaali na magondi zielefu likomi na gane, zing'amia zielefu sita, zing'ombe ziokulima zielefu ziviri, ni zisukiri elefu indala.

Zaburi 107:38

Yahova yagasiza avandu veve ni vameedeka mu livulana ligali; kandi mitugu jaavo jameedeka ligali.

Zaburi 34:7

Engelosi va Yahova asolaa yavo avamutizaa, kandi avahonyia ku vasigu vaavo vosi.

Zaburi 5:12

Ivi ugasizaa avalungi imbiri woovo, O, Yahova, vuyanzi vuvwo ulavakinga kuli inguva.

Zaburi 71:21

Ivi ulaanenehiza kuvita kase, ulaleminya mwoyo gwange kandi.

Zaburi 80:12

Kigira ki ivi waleka avasigu ni vingilira kivala cha vandu va Isiraeli? Kalunu avageni vavitira mu kivala yiki vakiranyaa kandi vachononyia.

Zaburi 90:17

O, Yahova Nyasaye wiitu, leka uvugasu vuvwo vove ku kunyi. Okohe liguuta ni ligasizwa mu vindu viosi via kokora!

Tsing'ano 10:22

Uvugasu vwa Yahova vulakuha vutugi, navuzwa liyinzira vudinyu si lilakokola mutugi mba.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Kwidzulitsa 33:11

Yahova, konya ihiiri yaavo vave avizingulu; uyaanzizwi ni cha vakora. Duvulanyia avasigu vaavo vosi; leka vavuli kusingira kandi mba.”

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Samweli 25:16

Vaakukia vudiku numbasu ing'inga yoosi ya kwaali navo nikwaayaa magondi giitu.