Amosi 9:2 - KITABU KITAKATIFU

² Kali niiva valayava hasi kuduuka mu kihadisi ndavagumira. Kali niiva valanina kuduuka mwigulu, ndavilanyia hasi.

Amosi 9:2 Iomraidhean Croise

Ayubu 20:6

Kali ovonene vwavwo nivoveeye vutambi kuduuka mwigulu na imitwi jaavo kudiira ku malesi,

Ayubu 22:13

Kunangwa ivi ovola, ‘Nyasaye amanyi kindu ki? Aveeye unyala kuhaana likalaga kuvitira mu kisundi kenene?

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Ayubu 26:6

Kivala cha vakuzu keveeye ku vulavu imbiri wa Nyasaye, sihaveeye ho ni kindu kinyala kukikinga mu zimoni zizie mba.

Ayubu 34:22

Sihaveeye ho ni kisundi kenene ligali, anoho ichiriri kimwamu ligali, uwa avakoli vuvudamanu vanyara kwivisa mba.

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Jeremia 49:16

Lielora liyinyu limali kumugaada. Avulaho mundu kali mulala utizanga munyi kali niiva muganaganaa vamutiizaa. Munyi mumenyaa muzimbangaywa ziezinyanda, igulu kukigulu; navuzwa kali niiva mwamenya igulu mwigulu kuli indizu, Yahova alamwikiza. Yahova amali kovora.”

Jeremia 51:53

Kali niiva avandu va Babiloni valakanine muligulu, nu kwumbakayo zimbinga zie zinguru ligali, navuzwa ndakatumi avandu kuvadiviza. Inzi Yahova mali kovora.”

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Obadia 1:4

Kali niiva mulelombela hango hinyu have igulu kuli inyumba yi kihungu, kunangwa muduuki kololeka kuli muveeye hagati hi zing'ereng'ani, inzi ndamwikiza hasi.

Luka 10:18

Yeso yavativulira, “Ndaalora Setani niyaguluka kutura mwigulu kuli oloheni.