Amosi 9:14 - KITABU KITAKATIFU

¹⁴ Ndilanyia avandu vange Isiraeli mu kivala chavo. Valumbaka vuhia amadara manene gaavo gononywa no komenya mugo; valasimika milimi ji mizabibu na valanwa iwaini yajo. Valataga milimi nu kulia makuyu gajo.

Amosi 9:14 Iomraidhean Croise

Zaburi 107:37

Valima milimi nivataga mizabibu, kandi vanyoola ligesa linene.

Zaburi 53:6

Inzi ndakayanzi ndi uvuguuti kutura Ziyoni kuzia ku avandu va Isiraeli. Vulakave vusangali ki ku vandu va Isiraeli, lwa Nyasaye alivalomba kuva nu vutugi kandi!

Isaya 60:4

Heenzi ku zimbega ziosi mulole agaakoleka; avandu vinyu vivungiza harara kuza ku munyi. Avayaayi vinyu valaza kutura ihale, avakaana vinyu valagingwa kuli avana vakekeeke.

Isaya 61:4

Valumbaka uvuhia madaala manene gi vianyi agasasuguka ku zing'inga zinyingi.

Isaya 65:21

Avandu valumbaka zinyumba kandi valamenya muzio aveene, valataga mizabibu mu milimi jaavo kandi valalia amakuyu gajo.

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 16:15

Nitali valakisuhi ku inzi kuli Nyasaye oveeye mwoyo uwaleeta avandu va Isiraeli kutura mukivala chi Ivaale kandi kutura muvivala vindi viosi viandaali nindavasalanyiramu. Inzi ndakaviranyie mu kivala chavo aveene, mukivala chandaha kuvaguuga vaavo. Inzi Yahova mali kovora.”

Jeremia 23:8

Muvogono yivwo, valakisuhi ku inzi kuli Nyasaye oveeye mwoyo waleeta avandu va Isiraeli kutura mukivala cha Ivaale kandi kutura muvivala vindi wandaali nindavasalanya. Maku valakamenye mukivala chavo.”

Jeremia 24:6

Ndavalinda kandi ndavilanyia mukivala yiki. Ndavumbaka na si ndavasambula kandi mba. Ndavakora vasingiri vudinyu kuli misaala jitanyala kwifwa mba.

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 31:28

Kandi kuli ndaahenda mwoyo nukwiiha, nukusambula, nukutung'aminya, nukudiviza, kandi nukuvasambura, kunangwa ndavasingiriza kandi ndavadinyiriza.

Jeremia 31:5

Munyi mulataga milimi jimizabibu kuvigulu via Samaria, kandi yavo avazavatage navalie ku makuyu gajo.

Jeremia 32:15

Yahova Wuvunyali, Nyasaye wa avandu va Isiraeli, umali kovora ndi, zinyumba, milimi kandi vizabibu vilagulwa kandi mukivala yiki.”

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Jeremia 33:7

Ndiilanyila avandu vi Ivuyuda kandi avandu va Isiraeli uvutugi vwavo, nu kuvakola vave kuli valange maziambiri.

Ezekieli 16:53

Yahova yavolera avandu va Jerusalemi, “Inzi ndagasiza avandu va Sodoma navandu vutudaala twalio kandi avandu va Samaria navandu vutudaala twalio. Yee, ivi ulagasizwa kandi.

Ezekieli 28:26

Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.