Amosi 9:11 - KITABU KITAKATIFU

¹¹ Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Amosi 9:11 Iomraidhean Croise

Ayubu 1:10

Ivi siwamwevera lugaga ludinyu harara na vandu avinyumba yeeye kandi ni miandu josi ja aveeye nacio? Ivi wamala kugasiza viosi viakolaa kandi imiandu jijie jimali kwizura mu kivala choosi.

Zaburi 143:5

Nzizuliza amadiku gakale, ng'anagana ku vindu viosi via ivi walomba, kandi nzizuliza vikolwa vivio viosi.

Zaburi 80:12

Kigira ki ivi waleka avasigu ni vingilira kivala cha vandu va Isiraeli? Kalunu avageni vavitira mu kivala yiki vakiranyaa kandi vachononyia.

Zaburi 89:40

Umali kusambula amadigi gi lidaala lilie linene, kandi umali kokora zimbinga zizie kuva hazwa.

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 18:9

Kolovega lundi, niiva ndakavooye nziza kusingiliza anoho kwumbaka ihiiri yoosi anoho vwami,

Jeremia 30:9

Muvogono yivwo, valakatumikiri inzi, Yahova Nyasaye wavo, kandi chisukululwi cha Daudi, cha nangore mwami.

Jeremia 46:26

kandi ndavaviika mu zinguru zia yavo avenya kuvita, ku mwami Nebukadineza wa Babiloni ni liihi lilie. Navuzwa lwinyuma avandu navamenye mu Egebeti kandi, kuli vakora mu zing'inga ziavita. Inzi, Yahova mali kovora.”

Lisyoma lya Jeremia 5:21

O, Yahova, ukwiranyie ku ivi! Ukwiranyie! Ukwiranyiri vukumi vwitu vwali vwizing'inga zia kale.

Ezekieli 17:24

Misaala josi mu kivala jilamanya ndi Inzi mbeeye Yahova. Inzi ndemaa misaala mitambi kandi ngola misaala mimbi jiviruka kandi jitambiha. Nduminyaa misaala mivisi, kandi ngora misaala miumu kugwa mivisi. Inzi Yahova mali kovora kandi ndakora agaamali kovora ndakora.”

Ezekieli 36:11

Ndakora vandu kandi zing'ombe komedeka. Mulava avanyingi kuvita maziambiri. Ndaleka mumenye mu kivala yiki kuli mwamenyaa mucho maziambiri; kandi ndamukora kuva vatugi kuvita ing'inga yindi yoosi. Maku mulakamanye ndi inzi mbeeye Yahova.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Mika 5:2

Yahova avoora, “Ivi Bezelehemu Efurate, oveeye mulala ku madaala makekeeke mu Ivuyuda, navuzwa kutura ku ivi, alaza mu Isiraeli mwamihi, uwa avinyumba yeeye vaali ho kutura zing'inga zia kale.”

Mika 7:11

Avandu va Jerusalemi, lidiku lizaa liu kwumbaka uvuhia amadigi gi lidaala linene; Lidiku liene yilio zinzako zie kivala chiinyu zilameedeka.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Zekaria 12:7

“Inzi Yahova ndakahaane liguuta ku mahi gi Vuyuda kutanga, kunangwa luyali lwi visukululwi via Daudi kandi avandu va Jerusalemi valakanyore, si lulakave lonene kuvita lwi Ivuyuda yoosi mba.

Zekaria 14:10

Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Livalidza 24:18

Alaguuta vasigu veve mu kivala cha Edomu, kandi avuguli kivala chavo kuva mwandu gwigwe, lwa Isiraeli izizagilira kuguuta.