Amosi 9:1 - KITABU KITAKATIFU

¹ Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Amosi 9:1 Iomraidhean Croise

2 Kyetsinyinga 18:18

Mikaya yaazizagilira, “Kalunu hulira cha Yahova avoora! Ndoli Yahova niyikaye ku endeve yeeye yu vwami mwigulu, ni zingelosi veve vosi nivasingiyi ku zimbega zizie ziombi.

Zaburi 68:21

Nyasaye alavunanyia mitwi ja vasigu veve aladuvulanyia mitwi ja yavo avazizagilira komenya mu zinzira ziavo ziuvwoni.

Zaburi 68:22

Yahova umali kovora, “Ndilanyia avasigu vinyu kutura Bashani; ndavilanyia kandi kutura mu luliva lwinyanza,

Isaya 30:16

Muvogono yivwo, mulohiza kwiruka kutura ku vasigu vinyu ni munini ku zibarasi ziruka zimbiru ligali. Kandi muveeye vulahi kwiruka nigo aga mwenyeka mukore! Muganaganaa zibarasi zienyu ziveeye ni zimbiru ligali navuzwa avamulondelaa valakave nizimbilu kuvita zienyu.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 42:16

maku iliihi lia mutiizaa yili lilamulondayo, kandi inzara yamutizaa, ilamulondelera yo, kandi mulakuzira mu kivala cha Egebeti.

Jeremia 48:44

Mundu woosi ogeriza kutura mu litihiza yili alagwa mu ovogo, kandi oyo ogeriza kunina kutura mu ovogo alagumirwa nimitego, kigira Yahova umali kuviikaho ing'inga yu kudiviza Moabu.

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Ezekieli 9:2

Nonoho avasaza sita vaza kutura kunzira ya higulu, kulovega lwi kirivwa cha Ivaale. Vuli mulala kuvo yaali nagingi ichugi. Harara navo, yaliho nu mundu uwaali niyiviiki inguvu yu luvaala, kandi nagiingi kindu chu kong'odera. Vosi vaza nivasingila ha vwali vwu mugasa.

Amosi 3:14

“Ku lidiku lia mbana amageri ku vandu va Isiraeli kigira uvwoni vwavo, ndononyia uvwali vwa Bezeli. Zikona ziosi ziavuli uvwali zilavunagwa nu kugwa hasi.

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Amosi 7:9

Havundu hi visukululwi via Isaka vasigamira haladivizwa. Hatakatifu ha avandu va Isiraeli halakolwa chanyi. Ndaheriza vwamihi vwu mwami Jeroboamu mu vulwani.”

Habakuk 3:13

Ivi waazia kohonyia vandu vovo, kohonyia mwami vwovo mutovole. Wasionolanya mutwi gwu mwimiliri wa vachamu, kandi wadiviza valondi veve vosi.

Zefania 1:12

“Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.

Zefania 2:14

halakave havundu hi viayo, hi zing'ombe kandi zinyama zing'ano ziosi zilakagone. Amakuure galakamenye mu mang'anye gacho kandi galakakubi liyoga lie zinguru kuvitira mu madirisha. Majikoro galakaliri vululu ku vika vie miliango. Misaala jaavo ji midaragwa javumbakila jilakatulizwi ho.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 1:32

Yohana yahaana lilolekiza yili, “Ndaalora Roho niyiika kutura Mwigulu kuli likuulu kandi niyikara kuye.

Vikolwa 26:13

O, mwami, lwa ndaali kunzira mbasu hagati, ndaalora vulavu vonene kuvita uvwi liuva; vwang'ereng'ana kutura mwigulu, nivong'ereng'ana ku inzi zimbega ziosi kandi ku vandu avaari kologendo harara ninzi.

Joshua 10:18

Joshua yavoola, “Gomagominyi magina manene mukuniki imbiri wu luhangaywa. Muviiki ho, valala ku valindi kulinda;

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Likunula 8:3

Engelosi yindi yaali nigingi kituva chi izahabu chukusaambira ku kimuli yiza nisiingira imbiri wu vwali. Yahevwa kimuli kinyingi aduuki ku lisaala lia avandu va Nyasaye vosi, nu kuhaana ku vwali vwi izahabu imbiri wendeve yu vwami.