Amosi 8:9 - KITABU KITAKATIFU

⁹ Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Amosi 8:9 Iomraidhean Croise

Ayubu 5:14

Kisundi kivakunikaa lwa voveeye mbasu, kandi vahavatizaa mbasu hagati kuli mu vudiku.

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 15:9

Mukali wagotiza avana veve saba umali kukinda, nukugamula imieka. Vulavu vwi lidiku lilie vumali kugirung'ana kugwa kisundi kenene; Umali kuduuka mu zisoni kandi mwoyo gwigwe gulwaye. Ndaleka avasigu vinyu viiti yavo kumunyi avakikiri mwoyo. Inzi Yahova, mali kovora.”

Ezekieli 32:7

Lwandakakudivizi, ndakakuniki ligulu nokokola zing'ereng'ani kuva kisundi. Ndakakuniki liuva na malesi, kandi mweli sigulaka mba.

Amosi 4:13

Nyasaye niyie walomba vigulu ni imbuza. Nyasaye avuuliraa mundu zing'anagani zizie; agirunganyia umbasu kugwa kisundi. Agendaa igulu wi lirova. Lieta lilie liveeye: Yahova Nyasaye Wanyala Viosi!

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Mika 3:6

Kulwayago, uvudiku vulaza ku munyi vugira malola, kandi kisundi kiladuuka ku munyi vugira uvusigitiri. Iliuva lilayelera avaporofeti, kandi lidiku lilava kisundi kuvo.

Zekaria 14:7

anoho kisundi mba. Muvasu gulakave ho ing'inga yoosi kali ing'inga yu vudiku. Yahova weng'ine niye umanyi lwa yaga galakekoleke.

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Marko 15:33

Kutura saa sita zia mbasu kuduuka saa tisa, ikisundi chakunika ikivala choosi.

Luka 23:44

Yaali ahimbi saa sita zia mbasu, kisundi kenene chaduuka mu kivala choosi, kuduuka saa tisa.

Likunula 6:12

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.