Amosi 8:7 - KITABU KITAKATIFU

⁷ Yahova, Nyasaye wa Isiraeli, umali kwisuha umwene; kuli mundu wa vandu va Isiraeli vekonyera ku; “Ligali sindivilira miyinzi jaavo midamanu.

Amosi 8:7 Iomraidhean Croise

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 47:4

Yaakotovolera kivala yiki, umwa komenyi umwandu gwu kuyaanziza avandu veve, Isiraeli.

Zaburi 47:5

Nyasaye yanigira ku endeve yeeye yu vwami. Nilihanzuka liu vusangali; nu mwoyo gwi visiliva.

Zaburi 68:34

Mulandizi ndi Nyasaye aveeye wizingulu ligali; uvukumi vwivwe ku Isiraeli. Uvwerefu vumanyia zinguru zizie.

Kutwula 17:16

Yavoola, “Mugiingi igulu ligali ebendera ya Yahova! Yahova alazizagilira kumulwaanira avandu va Maleki ku makura na makura.”

Isaya 22:14

Mwami munene, Yahova Wuvunyali mwene yamoloma ku inzi navoora, “Ligali avandu yava sivalasamifwa vudamanu vwavo lwa vakikiri mwoyo mba. Inzi Mwami munene Yahova Wuvunyali mali kovora.”

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Jeremia 17:1

Yahova avoora, “Avandu vi Ivuyuda, uvwoni vwinyu vwang'odwa ni kalamu yikivia; vwang'orwa ku mioyo jinyu nesonga yiligina lia limasi kandi vwang'odwa mu zikona ziu vwali vwinyu.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Jeremia 44:21

“Visiuviliru via mwahaana harara na avaguuga vinyu, avami kandi aviimiliri vinyu, kandi na avandu vi kivala mu madaala gi Ivuyuda kandi nu muzinzira zia Jerusalemi, muganaganaa Yahova si yavula kuvimanya anoho yaavivilira?

Hosea 7:2

Navuzwa sivamanya ndi inzi ndizuliza zimbi ziavo ziosi mba. Uvwoni vwavo vuvakumbiliza; sinyala kuvula kovolola mba.”

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Amosi 4:2

Kuli Yahova Nyasaye Wuvunyali umali kwisuuha ku lieta lilie litakatifu ndi, “Madiku gaaza ku munyi lwa kunguswa ni zindoani, na vuli mulala munyi alavugulwa kuli zisuzi ku zindoani.

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”