Amosi 8:5 - KITABU KITAKATIFU

⁵ Mwevoleraa aveene, “Lihonga liu mweli muhia lilafa ng'inga ki, ku kuduuki kuguliza vuswage vwitu? Kandi lidiku lie Lisabato lilahera ng'inga ki kunangwa kuduuki kuguliza vuswage vwitu kandi? Hene yaho kunyala kuviika vuswage ku vuguli vwi igulu ligali nu kutumikira vibimu viu vugadi nukuviika ziratiri ziu vugadi ukugaada avaguli.

Amosi 8:5 Iomraidhean Croise

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

Kutwula 31:13

avolere avandu va Isiraeli ndi, “Mulindi lisabato, lidiku liange liokososa, kigira liveeye kelolero hagati hange ni munyi, ku zing'inga ziosi ziza, ukumanyia ndi, Inzi Yahova, mali kumukola muve avandu vange.

Tsing'ano 11:1

Yahova adunyiraa vandu vatumikira vigero viuvugadi, navuzwa aveeye nuvuyanzi ni vigero viagiligali.

Tsing'ano 16:11

Yahova yenya vigelo viosi vive visuuvirifu, na vuli kegelo keve cha giligali.

Tsing'ano 20:23

Yahova adunyiraa vandu vaatumikira vigero viu vugadi.

Isaya 1:13

Mutandeteli vihaanwa vienyu vitaveeye novokoonyi kandi mba. Lifunya lie kimuli cha musambaa limbihilirizaa. Sinyala kwikuzira ku amasavo ginyu gu mweli muhia, Amasabato, na mavugano ginyu; viosi vikoleywe vidamanu nuvwoni vwinyu.

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Hosea 12:7

Yahova avoora, “Avandu va Isiraeli si vaveeye avasuuvirifu mba; vayaanza kugaada avakiranyi niligera liuvugadi.

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Kyavalevi 19:36

Mutumikiri vigero viagiligali, zikilo ziagiligali kandi vibimu viagiligali. Inzi mbeeye Yahova Nyasaye winyu, wamutuliza mu kivala cha Egebeti.

Zekaria 5:6

Ndateeva, “Kindiki chene yiki?” Engelosi yativura, “Yiki ni kihinda kimanyaa uvwoni vwa vandu mu kivala choosi.”

Zekaria 5:8

Engelosi yavoola, “Mukali uyu aveeye mu vogono vwu vuchamu.” Maku engelosi yamulumba mu kihinda ma namukunikila mu.

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Vakolosai 2:16

Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.

1 Samweli 20:5

Kunangwa Daudi yativura, “Mugamba ni Lisavo liu Mweli Muhia, na gandukira kulia harara nu mwami. Navuzwa niiva voveeye vulahi ku ivi, ndazia kwivisa mu mulimi kuduuka hamugorova gwi lidiku liakavaga.