Amosi 8:10 - KITABU KITAKATIFU

¹⁰ Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Amosi 8:10 Iomraidhean Croise

Litanga 21:16

kandi niyikara hasi zimita 100 ihale kutura ku mwana. Yevoolera umwene, “Inzi si nyara kolola mwana wange nakuzaa mba.” Lwa yaali niyikaye ho mwana yaatanga kulira.

Ayubu 20:23

Lwa amala kulia viosi via yenya Nyasaye alatuma uvutima vwivwe vululu kuye. Alaviika uvutima vwivwe kuye kuli viukulia vivie.

Ayubu 3:5

Ulikole live lidiku lie kisundi, kandi liokovereriza, chiriri kimwamu kikunikwi na malesi ligali; kandi uvumwamu vwi kisundi vulitiihizi.

Ayubu 30:31

Lwimbu lwu vukana vwange ni lugilung'anyiywi kugwa lwi lisioma, Lwimbu lwi lilele liange lugirung'anyiywi kugwa lwa yavo avalira.”

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Jeremia 48:37

Avandu yava vosi vamali kovega amasu gaavo kandi zinderu ziavo mu lisioma. Vosi vamali kusalaga ku makono gaavo, kandi vuli mundu yiviiki inguvu yi ligunia.

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Lisyoma lya Jeremia 5:15

Vuyanzi vutura mu mioyo jietu; livina lietu ligirung'ana kugwa lisioma.

Ezekieli 7:18

Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Ezekieli 7:2

Yavoola, “Mwana wu Mundu,” yaga nigo aga inzi Yahova Wuvunyali mbolera vandu va Isiraeli: Yili nilimalilika lie kivala choosi!

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Joeli 1:8

Avandu munyi muliri kuli mukaana usiomeraa likuza liu musaza wa yaali niyenya koserera.

Kyavalevi 13:40

Niiva liisu liu mundu nilitura imbiri anoho inyima wu mutwi gwigwe, yaga siganyala kumukola kuva mudamanu mba.

Amosi 5:21

Yahova avoora, “Ndunyiraa amasavo ginyu gi idini. Sinyanzizaa na mavugano ginyu gizidini mba.

Amosi 5:23

Mulekere liyoga lie zinyimbu zienyu; kigira sinyenyaa kuhuliriza mioyojiovukana vwinyu mba.

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Kwidzulitsa 16:14

Musangaliri lisavo yilio harara na avana vinyu vatumikiri, kandi na vandu vinyumba ya Levi, avageni, avavisandu navakunzakali vamenyi mu madaala ginyu.